E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Aplikimi për leje ndërtimi, nga sot vetëm online

1 Shtator 2016, 13:22, Aktualitet CNA

Nga dita e sotme, 1 shtator, aplikimi për leje ndërtimi në të gjithë Shqipërinë është i detyrueshëm vetëm në mënyrë elektronike.

Dhënia e lejeve në kohë, pa vonesa është përgjegjësi kyçe e bashkive dhe institucioneve. Kjo për faktin se, pas vënies në funksionim të sistemit online për lejet e ndërtimit, bashkia nuk do të kërkojë nga qytetarët dokumentacionin që e disponon vetë administrata publike.

Çdo qytetar apo biznes duhet të aplikojë vetëm në portalin e-Albania, për t?u pajisur me leje ndërtimi.

Sistemi elektronik i lejeve do të bëjë të mundur realizimin e shërbimit me një ndalesë për lejet e ndërtimit (One Stop Shop): aplikimi do t?i dërgohet bashkisë dhe bashkia do të kryejë vetë ? përmes sistemit ? të gjithë bashkërendimin me institucionet e tjera publike, me afate të qarta dhe pa vonesa (nëse institucionet nuk përgjigjen brenda 10 ditësh, kërkesa konsiderohet e miratuar në heshtje).

Afati i shqyrtimit të lejes së ndërtimit nga bashkia është 15 ditë, ndërsa institucionet e tjera që duhet të japin mendimin e tyre në lidhje me lejen, duhet të përgjigjen brenda 10 ditëve pune.

Në rast se institucionet publike nuk i japin përgjigje bashkisë brenda 10 ditëve pune, miratimi/pëlqimi i tyre konsiderohet i dhënë në heshtje dhe bashkia mund të vijojë më tej me shqyrtimin e aplikimit.

Në çdo rast të mungesës së përgjigjes nga bashkia, brenda 60 ditësh nga dorëzimi i kërkesës së aplikuesit, sistemi gjeneron vendim për miratimin në heshtje.

Bashkërendimi me të gjitha institucionet që duhet të japin mendimin e tyre mbi lejen e ndërtimit (p.sh. IMK, ZRPP, Shërbimi Arkeologjik, etj.) do të kryhet përmes sistemit elektronik të lejeve, nga bashkia përgjegjëse. Mbledhja e tarifave të shërbimit për të gjitha institucionet, do të kryhet nga bashkia, si zyrë e shërbimit me një ndalesë, përmes sistemit.

Gjithashtu, nëpërmjet sistemit, do të sigurohet njoftimi i vazhdueshëm i aplikuesve lidhur me statusin e kërkesës së tyre.

Për të kryer aplikimin, qytetarët do të regjistrohen në portalin e-Albania, duke mundësuar përdorimin e shërbimit të aplikimit online të e-lejeve. Gjatë aplikimit, do të realizohet ndërlidhja me institucionet e tjera publike, nëpërmjet databazës së ZRPP, QKR, DPGJC në formë automatike, për të marrë dhe për të vlerësuar të dhënat e aplikuesit. /Citynews.al