web counter
LEXO PA REKLAMA!

SHKARKO APP

App Store
Google Play

E fundit!

x

Shehu: Ulje në maksimum taksave dhe reduktim tarifash

1 Shtator 2016, 12:03, Aktualitet CNA

Kandidati për kryetar bashkie i Dibrës, Sherefedin Shehu dhe kryetari i Partisë Demokratike Lulzim Basha takuan tregtarë dhe përfaqësues të biznesit dibran. Shehu në fjalën e tij shpalosi platformën e tij duke dhënë garanci të plota për uljen maksimale të taksave sa e lejon ligji. Filozofia e demokratëve për taksa të ulta dhe reduktim të burokracive do të aplikohet edhe në bashkinë e Dibrës me Sherefedin Shehun kryetar Bashkie.

?Parashikojmë në programin tonë ulje në maksimum të taksave dhe thjeshtim të sistemit të taksave. S?ka pse të jenë 24 taksa bashkie. Dhe taksat asnjëherë nuk duhet të jenë shkak për të falimentuar biznesin. Sepse fatkeqësisht qeveria e sotme taksën e ka vendosur si mekanizëm edhe për të burgosur. Për ato shërbime që janë në letër dhe nuk ju ofrohen juve, për të cilat ju paguani taksat, nuk do të ketë taksë?, tha Shehu.

Kandidati demokrat tha se taksat do të rishikohen pasi shumë prej tyre janë fiktive, duhet të shihet ajo për të cilën paguan. ?Taksë e pastrimit, po të jesh biznes i madh të marrin taksë të madhe. Ajo është një taksë që duhet të ketë një analizë. Për çfarë i paguan, për çfarë shërbimi i merr ? Në qoftë se ti nuk bën pis, nuk e ndot ambientin, pse duhet ta kesh më të madhe taksën?Në qoftë se uji vjen një herë në ditë, pse duhet të rritet tarifat e ujit të pijshëm? Siç ka ndodhur edhe këto ditët e fundit që na janë ankuar qytetarët?, tha Shehu.

Kandidati për kryetar i ardhshëm i bashkisë së Dibrës siguroi vendasit se do të punohet që Dibra të jetë një vend me investime.

?Ne do të punojmë që të përmirësojmë infrastrukturën dhe të krijojmë një ambient familjar, tërheqës për të ardhur investimet. Ne do të bëjmë panaire lokale që të shkojnë  bizneset e Tiranës dhe të Durrësit sepse atje është qendra e zhvillimit të Shqipërisë, të vijnë dhe të kontraktojnë për të blerë mollën, të kontraktojnë për të blerë fasulen?, u shpreh demokrati Sherefedin Shehu?. /Citynews.al





Lajmet e fundit nga