web counter
LEXO PA REKLAMA!

SHKARKO APP

App Store
Google Play

E fundit!

x

Mbyllet Akademia Verore e FRESSH-it/ Klosi: Hapëm 300 mijë vende pune

1 Shtator 2016, 14:45, Aktualitet CNA

Mbrëmë Akademia Verore e të rinjve socialiste ka byllur aktivitetin e saj, ku i pranishëm ka qenë anëtari i Kryesisë së PS, ministri i MMSR Blendi Klosi. Lidhur me punësimin ministri Klosi deklaroi se qasja ndaj papunësisë është krejtësisht e ndryshme nga qeverisja e PD. “Janë 5- fishuar fondet e nxitjes së punësimit.  Jemi pranë përmbushjes së premtimit për 300 mijë vende pune në mandatin e parë qeverisës. Po punohet në disa drejtime : me vënien në funksionim të plote të zyrave të punës, me rritjen e arsimit profesional, me ofrimin e kualifikimit falas. Ndërkohë shtresat në nevojë subvencionohen dyfish nga 3-vjet më parë. Në fund të mandatit premtimi elektoral për 300 mijë vende pune, do të jetë i përmbushur. 220 mijë punonjës kontribuojnë sot në skemën e sigurimeve shoqërore. Kjo është një arritje madhore e kësaj qeverie”, deklaroi Klosi.

Ministri Klosi përshëndeti përfshirjen e të rinjve pranë Partisë Socialistë: ?Ne jemi forca më demokratike në vend, ndaj vendimi juaj për t?iu bashkuar PS, është vendimi më i drejtë. Ne ndryshojmë kryekëput nga kundërshtari jonë politik. Ne jemi partia e reformave, ne jemi partia që besojmë në shtet dhe po bëjmë shtet. Këtë po e bëjmë për të gjithë shqiptarët, jo duke i ndarë ata në të majtë dhe të djathtë. Ky është ndryshimi mes nesh dhe PD: Ne besojmë te institucionet, ata besojnë te Sali Berisha”, tha Klosi.

Ministri Klosi ishte edhe vizitori i fundit në Akademinë Verore të FRESSH, e cila u organizua në Jalë nga data 26 deri në 31 gusht. Përgjatë këtyre ditëve kampi u vizitua nga Kryetari i PS Edi Rama, ministri Beqaj, deputetët Alfred Peza dhe Pandeli Majko, si edhe e kryebashkiaku i Tiranës Erion Veliaj. Kjo Akademi Verore e të rinjve socialistë u organizua nën kujdesin e veçantë të Sekretares për Rininë në Partinë Socialiste, Elisa Spiropali si dhe deputetes Olta Xhaçka, si përfaqësuese e Fondacionit ?Qemal Stafa?, bashkëorganizator i akademisë. /Citynews.al





Lajmet e fundit nga