web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 111 kg kanabis në Portin e Durrësit

30 Gusht 2016, 07:43, Aktualitet CNA

Policia ka goditur nje tjetër rast i trafikut ndërkombëtar të lëndëve narkotike. Në Portin e Durrësit janë sekuestruar 111 kg lëndë narkotike e dyshuar Cannabis Sattiva. Specialistët kundër Narkotikëve u bë arrestimi në flagrancë i drejtuesin e automjetit, shtetasit Artur Gjergji, 27 vjeç , banues në Durrës.

Policia Kufitare në bashkëpunim me Sektorin kundër Narkotikëve dhe Departamentin Operativo Hetimor në Drejtorinë e Pergjithshme të Doganave gjatë mbrëmjes së djeshme kanë evidentuar dhe goditur një tjetër rast trafiku ndërkombëtar të lëndëve narkotike.

Më datë 29.08.2016, rreth orës 20:00, në PKK Port, Shërbimet e Policisë Kufitare në bashkëpunim me Sektorin kundër Narkotikëve pas kontrollit në Skaner të automjetit tip ?Renault?, me targë AA241ND, ku u dallua një send i dyshimtë, e kanë kaluar këtë automjet për kontroll të imtësishëm në vijën e dytë.

Nga kontrolli i imtësishëm i kryer në vijën e dytë në krye të karrocerisë në brendësi të saj u gjetën të fshehura 66 pako të mbështjella me natriban, gjithsej 111 kilogramë lëndë narkotike e dyshuar Cannabis Sativa. Lënda narkotike dhe automjeti u sekuestruan në cilësinë e provës materiale. Vijon puna për zbardhjen e plotë të kësaj ngjarjeje.

Materialet proceduriale i kaluan Prokurorisë së Krimeve të Rënda për veprën penale “Trafikimi i narkotikëve”parashikuar në nenin 283/a të Kodit Penal. /Citynews.al





Lajmet e fundit nga