E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Byroja Kombëtare e Hetimeve, modeli FBI dhe ambasada Amerikane/ Nga Kastriot MYFTARAJ

30 Gusht 2016, 06:29, Aktualitet CNA

Ambasada Amerikane në Shqipëri, me anë të ndërmjetësve të saj, përgënjeshtron fuqimisht dhe me indinjim të thellë zërat keqdashës se Byroja Kombëtare e Hetimeve, e krijuar sipas modelit të FBI, do të merret me tregun ilegal të shitjes së vizave për gratë të cilat duan t? i lindin fëmijët në SHBA.
Këto zëra janë përhapur për të dëmtuar një treg dhe një marrëdhënie ekonomike të stabilizuar dhe gjithmonë në prosperim, midis dy vendeve, Shqipërisë dhe SHBA.
I vetmi problem që ka lindur ka të bëjë me zgjatjen e afatit të vizës që e bën të pamundur të përcaktohet fiziologjikisht se cilat femra duan të shkojnë në Amerikë me qëllim për të lindur fëmijën e tyre atje. Kjo na detyron që të vendosim një rregull të ri.
Meqënëse shumica e femrave shqiptare duan t? i lindin fëmijët në territorin e SHBA, që të lindurit e tyre të marrin shtetësinë amerikane, sipas ligjit amerikan, femrat të clat i përkasin një grupmoshe të caktuar fertile, do të konsiderohen të gjitha sikur duan që të marrin vizën dhe pastaj të mbeten shtatzëna, për t’ i lindur fëmijët në Amerikë. Shpresojmë në mirëkuptimin tuaj.
Ne jemi këtu për t? i ndihmuar, duke mos i kursyer vizat për familjet që nuk i kursejnë paratë për të realizuar ëndrrën amerikane për fëmijët që pritet t? u lindin atyre.
Prandaj të interesuarit të mos kenë asnjë ngurim për t? u drejtuar te ndërmjetësit.
Me rastin e krijimit të BKH, ndryshon vetëm fjalëkalimi, ose parulla, siç thuhet në shqip, për të kontaktuar me ndërmjetësit.
Personi i interesuar duhet të bëjë pyetjen:
?A nuk ju ngjan se Statuja e Lirisë është shtatzënë??
Përgjigjia duhet të jetë:
?Epo, ajo emigrante franceze është, e ka menduar mirë ta lindë fëmijën në territor amerikan!?
Pas kësaj mund të vazhdohet më tutje me arritjen e marrëveshjes.
Çmimi i vizës mbetet ai që ka qenë, me një rezervë në rast se klientja lind binjakë dhe duhet të paguajë dyfishin e çmimit.
Gjithashtu, nëse ndodh që gruaja shtatzënë kthehet mbrapsht nga kompanitë ajrore, se ka udhëtuar kur barra është mëse e dukshme, paratë e paguara nuk kthehen më.
Mos u kurseni për të realizuar ëndrrën amerikane të fëmijëve tuaj të ardhshëm!