web counter
LEXO PA REKLAMA!

SHKARKO APP

App Store
Google Play

E fundit!

x

Cannabisi i mbjellë dje nuk është inicident!/Nga Ylli DYLGJERI

29 Gusht 2016, 16:54, Aktualitet CNA

Ngela shtatzënë se nuk bëra planifikimin familjar! Dëgjohet rrallë e më rrallë sot ky ankim nga femrat. Në kohët moderne të planifikimit familjar ky quhet incident. Ose injorance se nuk di, apo nuk u llogarit ciklin. Kjo edhe besohet…

Po të besojmë se u gjendëm rastësisht në fund të gushtit me barrën hashash, me fushat plot me bimë të rritura, e të deklarojmë se sot asnjë cm e sipërfaqes nuk është jashtë kontrollit policor, kjo nuk hahet në 2016!!!
Ose, atëhere na mësoni si hahet tymi?
Për të mos vijuar me pyetjen:
Ku ishe ti Adam?
Pas suksesit të arritur ne Lazarat, tërë vendit i filloi “cikli” i drogës së re. Atëherë, nga hyri fara e hashashi? Ku u ç’doganua? Si u transportua? Si u kultivua? Shifrat thonë se siperfaqet jane dyfishuar aq sa shqipëria po konkuron sot edhe si nje vend i gjelbëruar në europë. Studjuesit, po e barazojne për jeshillek shqipërine me italine fqinje. Ndërsa për prodhim hashashi, të parët në Europë!
Atëhere për çfare kontrolli teritori krenohemi sot? Ka agjent kriminal! Ka sherbim informativ? Ka pune parandaluese? Ka inspektore zonal? Ka pushtet vendor? Ka bashkepunim policor? Ka police? Ka matrice? Ka, ka…pa fund, sa do të talleshit me mua që po vazhdoj ti bëj pyetjet si një kokosh me ka-ka-ka..?
Së fundi, me dhimbje pohoj, se situata e drogës në vend po tregon se si është bëre reforma në policinë e shtetit. Parcelat e mbjella me kanabis nuk janë një shtatëzani në errësirë. Ato janë të planifikuara dhe të drejtuara në ditë me diell.
Të tjerat jane pallavra.





Lajmet e fundit nga