LSI votë pro vetingut/ Gjosha: Çelet drita jeshile për vazhdimin e integrimit, efektet pas 3 muajsh

30 Gusht 2016, 07:19, Aktualitet CNA

Votat e LSI do të jenë pro Vetingut në Kuvend edhe pa dakordësinë e opozitës. Këtë e ka konfirmuar ministrja e Integrimit, Klajda Gjosha, e cila e ka cilësuar një nga ligjet më të rëndësishëm dhe thelbësor për integrimin e vendit në Bashkimin Evropian.

?Qëndrimi i LSI ka qenë që në fillim dhe gjithmonë pro jo vetëm për ligjin e Veting-ut, por për reformën në drejtësi në tërësi dhe unë këtu do të vlerësoja jashtëzakonisht shumë, qëndrimin jo vetëm të e LSI-së, por edhe Kryetarit të Kuvendit për rolin kyç që ai ka luajtur në rikthimin e dialogut politik në vend. Ne kemi pasur gjithmonë një qëndrim pro. Ky është një ligj kyç për procesin e integrimit, është një ligj kyç për ecurinë e reformës në drejtësi në vend, një ligj kyç për atë që presin shqiptarët dhe prandaj LSI-ja ka pasur një qëndrim pozitiv?, është shprehur Klajda Gjosha. Duke u ndalur ndalet tek rëndësia e ligjit të veting-ut ajo e cilësuar atë si një nga kushtet për hapjen e negociatave të integrimit me BE-në dhe thekson gjithashtu se efektet e reformës në drejtësi pritet të nisin pas tre muajsh.

?Është ligji më i rëndësishëm në të 7 ligjet që bëjnë të vlefshëm kalimin e ndryshimeve kushtetuese apo që hapin dyert e implementimit të kësaj reformë, është ligji që do të kërkojë më shumë kohë në fakt se ligjet e tjera për të filluar implementimin dhe për tu përfunduar. Kjo është arsyeja që komisioni europian ka kërkuar ligjin e veting-ut si një prej kushteve kryesore në mënyrë që Shqipërisë t?i çelet drita jeshile për të vazhduar me procesin e integrimit. Kërkon 3 muaj kohë nga momenti që ai miratohet për të parë rezultatet e para apo ato Trak -Records që kërkohen aq shumë nga ndërkombëtarët?, ka deklaruar ministrja e Integrimit.

Ministrja e Integrimit shpreson që me miratimin e reformës në drejtësi dhe fillimin e zbatimit të saj, Bashkimi Evropian, në mbledhjen e radhës që do të mbahet në tetor, të japë një vlerësim pozitiv për Shqipërinë duke i dhënë statusin e vendit kandidat për anëtarësim me të drejta të plota. ?Unë do të shpresoja shumë, që Shqipërisë dhe shqiptarëve t?i jepet mundësia për çeljen e negociatave. Kjo do të shihet nga zbatimi i reformës, dhe pas veting-ut parlamenti do të mblidhet sërish për të miratuar 6 ligjet e tjera që i hapin rrugën këtij implementimi. Të gjitha këto së bashku do të çojnë në çeljen negociatave?, ka vijuar Klajda Gjosha. Sipas saj, është thelbësore që ne të kalojmë fazën e parë, pra marrjen e një rekomandimi pozitiv dhe më tej gjithçka do të varet edhe nga klima politike e secilit prej vendeve anëtare të BE-së. /Citynews.al