E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Video/Polici rrugor rrihet me grushte me një drejtues mjeti...

21 Gusht 2016, 11:46, Aktualitet CNA

Zbardhur e vërteta e videos ku një polic rrugor qëllon me grusht një drejtues automjeti. Sipas videos së plotë , drejtuesi i mjetit ka tentuar të kryejë në parakalim të gabuar në sy të policit rrugor.

Ky i fundit i ka bërë shenjë që të ndalojë, por ai jo vetëm që nuk ka ndaluar, por edhe e ka shkelur me makinë në këmbë.

Pas kësaj, Policia e ka nxjerr jashtë drejtuesin dhe ka tentuar ta arrestojë, por ai përsëri ka kundërshtuar me forcë.

Në videon e plotë dallohen momentet se, si polici rrihet dhe dhunohet nga derjtuesi i mjetit dhe një tjetër person që sipas burimeve mësohet se është vëllai i drejtuesit të mjetit.

Ky i fundit ka ngritur edhe nje vërsion të tijin në portalin ?Jeta osh Qef?.

Ai tregon se ngjarja nuk ka pasur asnjë motiv. Personi i identifikuar me inicialet G.K. thotë se vëllai i tij kishte ardhur nga jashtë me pushime në Shqipëri.

?Përshëndetje, jam vëllai i personit që është në video, ai ka qenë duke u kthyer nga Shëngjini me të fejuarën dhe me mbesën si dhe vëllanë tjetër. Polici i ka ofenduar edhe ato janë ndalur, në momentin që janë ndalur ka ikur polici dhe u ka thyer xhamin e pasagjerit dhe ata janë ulur për të biseduar dhe në momentin që ikën për të folur, e ka goditur polici rrugor dhe e kanë dhunuar edhe në Komisariatin e Lezhës dhe janë duke e mbajtur akoma aty?,- thotë vëllai i shoferit.

I pyetur se cila ishte shkelja dhe arsyeja e ndalimit nga policia, ai thotë se nuk kishte asnjë shkak, duke thënë me tej se pa asnjë mëshirë i kanë lënë mbesën në mes të rrugës, ajo është vetëm 8 vjeç.

?Polici i ka dalë para dhe vëllai është ndaluar në vend dhe polici shkon në krahun e pasagjerit edhe i thyen xhamin dhe pastaj shan me familje shoferin dhe shkon i kap për fyti dhe duket qartë në video dhunimi. Ata e arrestuan dhe e lanë mbesën 8 vjeçe në mes të rrugës dhe personi që është në video ndodhet në komisariat dhe nuk e kanë dërguar në spital për mjekim, ne kemi ardhur për pushime se jetojmë të gjithë në Itali?,- shkruan më tej i riu.

Policia ende nuk ka një reagim për ngjarjen.