web counter
LEXO PA REKLAMA!

SHKARKO APP

App Store
Google Play

E fundit!

x

MASH: Fituesit në universitete shpallen më 3 shtator, më pas regjistrimi online

21 Gusht 2016, 10:21, Aktualitet CNA

Sipas një udhëzimi të Ministrisë së Arsimit në datën 3 shtator do të shpallen fituesit paraprak në universitete dhe menjëherë më pas nis regjistrimi online i tyre.

Regjistrimi i fituesve do të bëhet nga data 4-9 shtator. Ata që nuk kryejnë regjistrimin paraprak, humbasin të drejtën për të vazhduar Universitetin.

Tashmë ka përfunduar zyrtarisht afati për të gjithë maturantët të cilët kërkonin të ndryshonin degë të studimeve të tyre apo ata që dëshironin të korrigjonin pasaktësitë në formularin A2. Agjencia Kombëtare e Provimeve ka mbyllur këtë procedurë dhe tashmë rreth 27 mijë maturantë duhet të presin publikimin e listës së fituesve.

Pas mbylljes së regjistrimeve, do të publikohen kuotat e lira në çdo degë dhe për plotësimin e tyre do të jetë raundi i dytë. Në këtë raund do të kenë mundësi të konkurrojnë, përzgjidhen të gjithë ata maturantë të cilët kanë dështuar të fitojnë në raundin e parë.

Ministria e Arsimit, bën të ditur se në raundin e dytë, maturantët që nuk kanë fituar, apo ata të cilët kërkojnë të fitojnë një degë më të mirë, mund të zgjedhin programe studimi të tjera, kjo do të thotë se lista e 10 degëve që janë zgjedhur me formularin A2, mund të ndryshohet, në mënyrë që çdo kandidatë të ketë mundësi të fitojë të drejtën e studimit në universitetet publike apo private.

Në këtë raund do të aplikojnë edhe maturantët mbetës në një nga provimet e maturës, por që marrin notë kalues në testimin që do zhvillohet në muajin shtator. Fituesit e raundit të dytë do të publikohen në 4 tetor, pak ditë para fillimit zyrtar të vitit të ri akademik. /Citynews.al

 





Lajmet e fundit nga