E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Strazimiri: Edi Rama po blen vota në Dibër, Prokuroria të hetojë/ Kërcënim mësuesve me heqje nga puna

21 Gusht 2016, 11:10, Aktualitet CNA

Frika e humbjes së zgjedhjeve në bashkinë e Dibrës, mësohet se është bërë shkak edhe për nisjen e allishverisheve për blerje vote dhe kërcënimet e hapura, që po i bëhen mësuesve nëse nuk votojnë kandidatin e Partisë Socialiste për bashkinë e Dibrës.

Në një dalje për mediat deputeti i Partisë Demokratike, Gent Strazimiri denoncoi këtë fenomen duke thënë: ?Edi Rama është hedhur në aksion për të kapur, dhunuar e blerë votën e qytetarëve te Dibrës. Ai po përdor çdo mercenar e çdo instrument që ka në dorë për të mos lejuar votën e lirë të qytetarëve, sepse e di mirë se cili është gjykimi i popullit për të, e di mirë se e pret ndëshkimi i popullit për qeverisjen e tij të varferisë, papunesisë, korrupsionit dhe krimit.

Spikat së fundmi, drejtori i Arsimit në Dibër, Drin Gjeci, i cili thërret arsimtarët në zyrë, duke i kërcënuar me njoftime për largim nga puna, nëse nuk votojnë kandidatin e qeverisë. Janë rreth 300 arsimtarë të kërcënuar deri tani.?

Duke iu referuar zgjedhjeve vendore të vitit 2015 Strazimiri solli në vëmendje se shantazhi është një praktikë e përsëritur. ?E njëjta metodë u përdor edhe në zgjedhjet e 2015, ku mësuesit u shantazhuan me vendin e punës, me bukën e gojës për të dhënë votën për qeverinë. Ky mercenar i Edi Ramës në Dibër, jo vetëm u ka marrë para mësuesve për t?i futur në punë, dhe për këtë ekzistojnë edhe video, por tani ju kërkon edhe votën që të qëndrojnë në punë?, tha deputeti Strazimiri.

Partia Demokratike kërkon që kjo çështje të ndiqet nga Prokuroria ndërsa nga ana tjetër kërkon që të gjithë përsonat e vënë në presion t?i refuzojnë këto kërcënime. ?Partia Demokratike i bën thirrje Prokurorisë të nisë menjëherë hetimin për këtë drejtor të korruptuar që kërcënon qytetarët me vendin e punës, në këmbim të votës. Ju bëjmë thirrje arsimtarëve të Dibrës dhe po kështu edhe të gjithë punonjësve të sektorit publik të refuzojnë me përbuzje këto kërcënime kriminale?, thuhet në deklaratën e deputetit demokrat.

?Këto janë grahmat e fundit të një bande që kërkon me cdo mjet të zgjasë ditët e saj.

Mercenarët e Edi Ramës, Drin Gjeci me shoke duhet ta dine mire, që presionet e tyre janë dhe do të jenë të vëzhguara, të dokumentuara, dhe do të shërbejnë si provë jo vetëm për vëzhguesit e partnerët ndërkombëtarë, por sidomos për prokurorinë e gjykatën para të cilave do të japin llogari e do të përgjigjen deri më një për krimet e tyre zgjedhore e korruptive.

Dibra është e dibranëve dhe vetëm ata do të vendosin me votën e tyre të lirë për kryebashkiakun. Bashkimi i madh popullor do të hedhë poshtë cdo përpjekje, cdo krim elektoral, cdo mercenar të korruptuar të Edi Ramës. Dibra, si gjithë Shqipëria do të jetë më mirë pa Edi Ramën?, u shpreh deputeti Gent Strazimiri në deklaratën e tij. /Citynews.al