web counter
LEXO PA REKLAMA!

SHKARKO APP

App Store
Google Play

Vuçiç: Jo mbledhje e përbashkët e qeverive Serbi-Shqipëri

18 Gusht 2016, 10:27, Aktualitet CNA

Takimi i Nishit në tetor mes kryeministrit të Shqipërisë Edi Rama dhe atij të Serbisë Aleksandër Vuçiç pritet të ketë në qendër të diskutimit zhvillimin ekonomik dhe investimet në rajon. Temat e bisedimit i ka shpalosur kryeministri i Serbisë Aleksandar Vuçiç në të përditshmen e Beogradit ?Politika? , ndërsa ka deklaruar se pjesë e takimit nuk do të jetë kryeministri i Kosovës Thaçi.

Vuçiç i quajti të pasakta informacionet se në Nish do të mbahet mbledhje e përbashkët e qeverive të Serbisë e të Shqipërisë.

Vuçiq u shpreh se është me shumë rëndësi që Serbia dhe Shqipëria të punojnë bashkë në projektet ekonomike që do t?i bënin bashkë këto dy shtete e këta dy popuj.

Projektet e tilla do të jenë me interes për qytetarët e të dy popujve, ka vlerësuar Vuçiq dhe ka shtuar se Serbia është e gatshme për bashkëpunim.

?Në atë mbledhje nuk do të jenë (presidenti i Kosovës) Hashim Thaçi, as (kryeministri i Kosovës) Isa Mustafa, por përfaqësues politikë kosovarë të një rangu më të ulët:, citon ?Politika? kryeministrin serb, Vuçiq.

Ai ka shtuar se në Nish do të vijnë edhe biznesmenë, meqë qëllim i takimit është forcimi i bashkëpunimit ekonomik dhe që sa më shumë kompani shqiptare të bëjnë tregti me ato të Serbisë./Citynews.al





Lajmet e fundit nga