Gratë që ndryshuan botën

18 Gusht 2016, 06:52, Aktualitet CNA

Këto femra, pa të cilat bota nuk do të ishte njësoj, kanë arritur kulmin në fusha të ndryshme.

Janë shtatë femra, të cilat kanë ndikuar në formësimin e botës së sotme, duke luftuar themelet e vjetruara të sistemit të kohës.

Këto femra, pa të cilat bota nuk do të ishte njësoj, kanë arritur kulmin në fusha të ndryshme.

1. Harriet Beecher Stowe, shkrimtare dhe aktiviste kundër skllavërisë. Autorja e bestsellerit amerikan, romanit të vitit 1852 ?Kasollja e Xha Tomit?, ndihmoi të popullarizohej lëvizja antiskllavëri. Legjenda thotë se Abraham Lincoln e përshëndeti Beecher Stowe në Shtëpinë e Bardhë, duke i thënë: ?Pra, ti je gruaja e vogël që shkroi librin që filloi këtë luftë të madhe?.

2. Emmeline Pankhurst, aktiviste britanike për të drejtën e votimit të grave, e cila themeloi Bashkimin Social dhe Politik të Grave, një grup i njohur për format ekstreme të protestës si lidhja e vetes në hekurudha dhe grevat e urisë. ?Ne jemi këtu, jo sepse duam të thyejmë ligjin, por ne jemi këtu në përpjekje për të bërë ligjin?, tha ajo gjatë një gjyqi më 1908-n. Ajo vdiq tri javë përpara se të miratohej ligji, i cili u jepte grave të drejtë votimi të barabartë me burrat.

3. Anne Frank, shkrimtarja e ditarit të Holokaustit. ?Çfarë është bërë nuk mund të zhbëhet, dikush mund ta ndalojë të përsëritet?, shkroi Anne Frank te ?Ditari i një vajze të re?. Mençuria dhe urtësia e nxënëses hebreje 13-vjeçare, Anne Frank, e shkruar gjatë qëndrimit fshehur në Amsterdam në Luftën e Dytë Botërore, është një nga librat më të lexuar në botë me mbi 30 milionë kopje të shitura.

4. Simone de Beauvoir, filozofe dhe shkrimtare e ?Seksit të dytë?. Libri i shitur në masë i Simone de Beauvoir shpesh shihet si një tekst shumë i rëndësishëm i filozofisë feministe. Filozofja franceze ekzistencialiste, i dha feminizmit një libër që u bë pikë referimi. Në të analizohej trajtimi dhe perceptimi i femrave nëpër histori dhe u quajt nga Vatikani si kundërthënës, ndaj u vu në Listën e Librave të Ndaluar

5. Rosalind Franklin, shkencëtarja që ndihmoi në kuptimin e ADN-së. Kontributi i saj në kuptimin e strukturës së ADN-së është bërë tanimë i njohur, por në kohën e atëhershme nuk mori njohje të plotë. Kimistja britanike pati rol kyç në kërkimin për zbulimin e strukturës së ADN-së. Fotografitë e saj me rreze x të spirales së dyfishtë, u përdorën nga shkencëtarët Francis Crick, James Watson dhe Maurice Wilkins, që më 1962-shin morën një çmim ?Nobel? në fiziologji ose mjekësi për punën e tyre me modelin e ADN-së.

6. Billie Jean King, legjenda e tenisit që fitoi 39 çmime. Amerikania King ishte një prej konkurrenteve më të mira që ka parë ndonjëherë Wimbledon, duke çuar në shtëpi 20 tituj. Por ajo është ndoshta e mirënjohur për një ndeshje të njohur si ?beteja e sekseve? kundër Bobby Riggs më 1973-shin.

E talentuara 29-vjeçare King mundi 55-vjeçarin Riggs përpara një audience televizive prej 50 milionë shikuesish. Më vonë, ajo formoi Lidhjen e Tenisit për Femra dhe bëri fushatë për çmim të barabartë në para të lojtareve femra.

7. Wangari Maathai, themeloi Lëvizjen ?Brezi i Gjelbër? në vitet 1970. ?Kur mbjellim pemë, kemi mbjellë farat e paqes dhe shpresës?, tha fituesja e çmimit ?Nobel? për paqen dhe ambientalistja Ëangari Maathai. Aktivistja politike nga Kenia krijoi Lëvizjen e Brezit të Gjelbër më 1977-n si një përpjekje për të fuqizuar femrat në zonat rurale që raportuan se të mbjellat po u thaheshin, furnizimi me ushqim ishte më pak i sigurt dhe se atyre u duhej të ecnin më shumë se më parë për dru zjarri. Lëvizja është përhapur që atëherë në botë, duke bërë fushatë kundër ndryshimeve klimatike dhe duke iu bashkuar programit mjedisor të Kombeve të Bashkuara.