web counter
LEXO PA REKLAMA!

SHKARKO APP

App Store
Google Play

MAS nuk shpërndan pullat, bllokon shpërndarjen e librave/Aferat e Nikollës lënë fëmijët pa libra

18 Gusht 2016, 09:30, Aktualitet CNA

Kanë kaluar dy javë nga dita kur botuesit e librit shkollor duhej të kishin nisur shpërndarjen e tyre në rrethe, por për shkak të paaftësisë së MAS kjo nuk ka ndodhur. MAS ende nuk ka shpërndarë pullat me hologramë për shtëpitë botuese, pulla që njihen ndryshe si të çertifikimit. Sipas Gazetës Sot teksa Nikolla dhe Ndreca kanë shtyrë pa dhënë asnjë shpjegim tenderin për shpërndarjen e këtyre pullave, dyshohet se synimi i tyre ka qenë favorizimi i personave të caktuar. Situata bëhet më shqetësuese për faktin se MAS nuk është në gjendje të japë asnjë shpjegim për situatën e caktuar.

Reformimi i sistemi të arsimit ishte një nga kartat me të cilat Rilindja erdhi në pushtet në vitin 2013, por kjo, të paktën deri tani, jo vetëm që nuk e ka bërë diçka të tillë, për të mos thënë se e ka rrënuar më tepër. Thuajse çdo vit shpërndarja e teksteve shkollore ka qenë një problematikë e vazhdueshme, e cila pritet të thellohet edhe më tepër këtë vit shkollor për shkak të pengesave artificiale që Ministria e Arsimit ka nxjerrë.

Tashmë kanë kaluar 2 javë nga dita kur sipas traditës së viteve të kaluara, botuesit e librit shkollor do të duhet të kishin nisur tashmë shpërndarjen e teksteve në rrethe, por kjo nuk ka ndodhur. Mungesa e pullave me hologramë do të thotë më shumë kosto për gjithë zinxhirin prodhues dhe shpërndarës të librit shkollor. Botuesit akuzojnë Ministrinë e Arsimit se ka shkelur çdo afat ligjor dhe kontraktual lidhur me procesin e pajisjes së tyre me pullën e certifikuar. Ndërkohë, ata shtojnë se kjo ministri ka bërë dhe një tjetër akt të dyshimtë, në favor të dy shtëpive botuese. Sipas botuesve të tekstit shkollor, pullat me hologramë të mbetura nga viti i kaluar u janë dhënë vetëm 2 shtëpive botuese duke diskriminuar të tjerat. /Citynews.al

 





Lajmet e fundit nga