E fundit!

14:04 Aktualitet

Protestat/ Eksperti për CNA: Mund të jenë dhimbje koke për qeverinë por jo për turistët

Megjithëse ditët e fundit është diskutuar për ndikimin që ...

Krimi makabër në Palasë, flet ish-shefi Komisariatit të Vlorës/Shumica e konflikteve ndodhnin nga të sëmurët mendorë

18 Gusht 2016, 07:17, Aktualitet CNA

Vrasja makabre në Palasë e 12 vjecarit ditën e djeshme mund të hapë një debat të gjerë mbi trajtimin e të sëmurëve mendorë. 30 vjecari që vrau 12 vjecarin dje në Palasë të Himarës thuhet se është një i sëmurë mendorë, por nga spitali psiqiatrik i Vlorës mësohet se ai kurohej si përdorues droge, pasi nuk ishte i sëmurë mendorë. Nëse është kështu, atëherë problemi është edhe më i madh referuar numrit të përdoruesve të lëndëve narkotike që në cdo moment mund të bëhen agresivë dhe përbëjnë një rrezik potencial për pjesën tjetër të shoqërisë.

Ish-shefi i komisariatit të Vlorës, Agim Basha, përmes rrjeteve sociale shprehet se në një nga detyrat e mia si shef i Komisariatit të Policisë në një rreth konstatova se shumë zënka e konflikte me ose pa pasoja kishin protogonistë personat me probleme mendore.Kjo më nxiti të bëj identifikimin e numrit të përgjegjshëm dhe të percaktoja kush përbënte rrezik.Shifra ishte befesuese , rreth 1600 persona kishin probleme me shëndetin mendor

Komenti i ish-Shefit të Komisariatit të Vlorës, Agim Basha

Këmbana e Palasës

Krimi makabër i ndodhur në Palasës ekspozon indiferencën kolektive dhe institucionale ndaj personave me shëndetin mendor të dëmtuar.
Sëmundjet mendore që prekin jo pak njerëz nuk janë vetëm një problem individual.Disa nga këta tê sëmurë janë rrezik publik.
Në një nga detyrat e mia si shef i Komisariatit të Policisë në një rreth konstatova se shumë zënka e konflikte me ose pa pasoja kishin protogonistë personat me probleme mendore.Kjo më nxiti të bëj identifikimin e numrit të përgjegjshëm dhe të percaktoja kush përbënte rrezik.Shifra ishte befesuese , rreth 1600 persona kishin probleme me shëndetin mendor.Kishte dhe disa qindra që e mbanin të fshehtë.Dhjetra prej tyre ishin agresivë që për publikun dhe policinë do te thotë rrezik.Edhe pse identifikuam personat , adresat e banimet , vendosëm komunikim me familjarët duke i udhëzuar dhe aksesuar për çdo rast,kuptova pamundësinë e Policisë.
Është përgjegjësi e Institucioneve të shëndetit dhe pushtetit vendor zgjidhja e përhershme e trajtimit të personave me shëndetin mendor të dëmtuar.Nuk mund të shpërfillen më. /citynews/