web counter
LEXO PA REKLAMA!

SHKARKO APP

App Store
Google Play

Të vdekur dhe të plagosur gjatë sulmeve me bombë në Turqi

18 Gusht 2016, 20:10, Aktualitet CNA

Brenda pak orësh kanë shpërthyer dy makina-bombë në qytetet juglindore të Turqisë, Elazig dhe Van. Të paktën gjashtë vetë gjetën vdekjen dhe mbi 100 u plagosën. Objektiv i sulmeve ishin qendrat e policisë, raporton  Deutsche Welle.

Sulmi ndodhi vetëm disa orë pas një shpërthimi të një makine bombë në qendër të qytetit Van. Si pasojë gjetën vdekjen tre vetë. Edhe ky sulm ka pasur në shënjestër selinë e policisë.

Përfaqësuesit e qeverisë rajonale, sipas agjencisë së lajmeve Anatolia, bëjnë përgjegjës një “grup terrorist rajonal”. Me këtë term zakonisht emërtohet PKK-ja.

Van është një qytet i banuar nga turqit dhe kurdët. Sulmet këtu krahasuar me Dijarbakirin fqinj janë më të rralla. Qyteti është një destinacion popullor për vizitorët nga jashtë.

Vazhdimisht konfilkte të përgjakshme

Pas shkeljes së armëpushimit në korrik të vitit 2015 ka pasur vazhdimisht konflikte të reja ndërmjet qeverisë turke dhe PKK-së. Që atëherë, sipas agjencisë shtetërore të lajmeve Anadolu, janë vrarë qindra forca të sigurisë dhe mijëra luftëtarë të PKK-së. Grupet e të drejtave të njeriut raportojnë, se si pasojë e luftimeve janë vrarë edhe qidnra civilë.





Lajmet e fundit nga