E fundit!

10:27 Opinione Luan Rama

Teza serbe e “Mercenarëve të UÇK-së” dhe marrëzitë e zëdhënësve të saj në Tiranë

Gjetja apo sajimi, e më pas edhe përdorimi publik i një ki...

A do të jetë Ben Blushi ministër i Qeverisë Rama?

18 Gusht 2016, 16:37, Aktualitet CNA

Deputeti socialist Ben Blushi, më kritiku në rradhët e mazhorancës ndaj Qeverisë Rama, duket se ka bërë një lëvizje taktike në ditët e nxehta të verës, atëherë kur e gjithë vëmendja ishte e përqëndruar sa tek garantimi i votave për reformën në drejtësi, tek idea e qeverisë teknike, apo takimet për gjetjen e një kandidati për Kryeministër të një qeverie teknike.

Blushi qysh në fillim deklaroi votën e tij pro reformës në drejtësi, duke shuar çdo zë që e lidhte qëndrimin e tij kritik kundër politikave të qeverisë me një votë kundër draftit të ndryshimeve Kushtetuese.

Në debatet e nisura për Qeverinë teknike, pas deklaratës së bërë nga Ilir Meta se do të tërhiqej nga koalicioni me PS-në, deputeti socialist mbajti një qëndrim të distancuar, duke mos u bërë pjesë e kulisave apo prapaskenave politike, madje duke mos qenë pjesë as e takimeve të zhvilluara sa në Gjirin e Lalzit edhe në Tiranë, apo anasjelltas mbi mundësinë e sigurimit të votave që do të çonin në krijimin e një qeverie teknike.

Blushi nuk iu bashkua as takimit të zhvilluar në zonën e ish-Bllokut mes Kreut të Kuvendit Ilir Meta, ish-Presidentit Rexhep Meidani, ish-deputetit Koço Kokëdhima, edhe pse emri i tij u përfol se do të ishte pjesë e asaj që u quajt më pas një drekë mes miqsh dhe socialistësh. Madje deputeti socialist në ditën që Meta-Meidani-Kokëdhima vendosën të drekonin, duke ndërprerë pushimet, ishte në plazhin e Himarës, disa orë larg negociatave miqësore që zhvilloheshin në zonën e ish-Bllokut.

Pra në kulmin e debateve të nisura në Tiranë, ngazëllimit të opozitës, e cila priste lëvizjen e Metës, pakënaqësive që kishte brenda grupit parlamentar socialist mbi qeverinë, Blushi zgjodhi të qëndrojë larg, duke i dhënë ndoshta në distancë Kryeministrit Edi Rama, se pavarësisht kritikave, nuk ishte pjesë e kulisave apo prapaskenave politike.

E gjitha kjo mund të cilësohet si një paqe e vendosur mes Ramës dhe Blushit, e cila mund të interpretohet edhe si një ofrim i tij në një post në Qeverinë që pritet të riformatohet në shtator apo vjeshtën e 2016.

Analisti Artur Zheji në një koment të tij, shkruan se ?në mënyrë magjike dhe të pakuptueshme, ai vuri në ?gjumë? dhe ?bleu? heshtjen e të ?rrebeluarit elokuent? Ben Blushi. Se si ndodhi, e se si nuk ndodhi, askush nuk e thotë dot qartazi, por ndonjë postier enigmatik do të ketë hedhur në kutinë e postës të Ben Blushit, letrën me ?recetën? dhe ?formulën? çudibërëse. Dikush thotë ofertë e sigurtë e një posti të rëndësishëm, dikush tjetër thotë një temë për një roman, dhuruar nga kryeministri shok dhe armik, dikush tjetër, diçka krejt tjetër dhe më materiale. Por në fund të fundit kjo nuk ka fare rëndësi, në një periudhë shumë të vështirë për kryeministrin, Blushi, përmes heshtjes dhe strehimit në Dardhë apo diku tjetër, la të kuptojë se do të votonte një Qeveri Rama2. Efefekti Blushi ishte shumë i rëndësisishëm për Ramën sepse i siguronte atij një demoralizim të ?rrebelëve? apo të pakënaqurve të tjerë potencialë?.

Por a qëndron idea e hedhur se Edi Rama ka ?blerë? heshtjen e të rebeluarit Blushi?

Nëse i referohemi zhvillimeve politike, Ben Blushi vërtet ka qenë ndër të paktët ligjvënës brenda PS-së për të mos thënë i vetmi që ka kritikuar ashpër qeverisjen, por në anën tjetër ai është sulmuar nga kolegët e tij deputetë po të PS-së, se po fliste me gjuhën e opozitës dhe po përsëriste akuzat e saj. Nëse Blushi do bashkohej në prapaskenat politike që synonin rrëzimin e Qeverisë Rama ai do të humbte kauzën e tij politike, dhe do të legjitimonte deri diku akuzat që i bëheshin nga kolegët socialistë se me akuzat e tij po i hapte rrugën rikthimit në pushtet të PD-së, Berishës dhe Bashës. Ndaj përballë asaj që mund të zgjidhte duke iu bashkuar lojës së inicuar nga Meta dhe distancës që mbajti nga kulisat politike, Blushi duket se zgjodhi ti qëndrojë parimeve të tij, kritikë ndaj qeverisë dhe Rilindjes, por besnik i socialistëve. /citynews/