E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Kush fshihet pas nenit 13 të ligjit për SPAK?

18 Gusht 2016, 14:46, Aktualitet CNA

Në draftin ligjor për Strukturën e Posaçme Antikorrupsion (SPAK) e cila do të hetojë zyrtarët më nivelet më të larta është përfshirë një nen, sipas të cilit përfaqësuesit e mediave mund të dënohen deri në 3 vite burg nëse ushtrojnë presione, investigojnë apo hulumtojnë mbi anëtarët e kësaj strukture. Neni në fjalë ka sjellë reagimet e shoqatave të gazetarëve, opozitës dhe së fundmi të LSI-së, aleates kryesore të PS-së në qeverisjen e vendit.

Opozita e drejtuar nga PD e konsideroi nenin në fjalë si censurë të pastër ndaj medias, ndërsa akuzoi Kryeministrin se po përdor reformën në drejtësi për të instaluar një nen të tillë që censuron mediat si në shoqëritë totalitare. Shoqatat e mediave gjithashtu kanë kundërshtuar nenin 13 në ligjin për SPAK, ndërsa sot LSI deklaroi se ishte e habitur nga një nen i tillë.

Po kush qëndron pas këtij neni, kush e formuloi dhe kush e përfshiu në ligjin për Spak?

Në kushte të tilla i bie që nenin në fjalë ose ta ketë përfshirë Partia Socialiste përmes përfaqësuesve të saj në komisionin e posaçëm parlamentar për reformën në drejtësi, ose ekspertët ndërkombëtarë që asistojnë komisionin prej disa muajsh.

Përfaqësues të PS-së i thashë Cityneës se propozimi është bërë nga ekspertët ndërkombëtarë, por pa përcaktuar nëse ato janë përfaqësues të OPDAT apo Euralius.

Por sikundër mëson Cityneës edhe ekspertët ndërkombëtarë nuk kanë bërë një propozim të tillë. Burimet sqarojnë se propozimi i ekspertëve ndërkombëtarë ka qenë ai që SPAK të mos ndjehet nën presion gjatë punës së tij, por kjo pa ndikuar në lirinë e mediave. Sikundër mësohet propozimi i ndërkombëtarëve ka pasur të bëjë me faktin që prokurorët të mbrohen nga presionet që vijnë nga pushtete të tjera, qofshin ato politike apo ekonomike, por jo me hulumtimet e mediave apo investigimin e tyre.

Ndërkohë, duket se Partia Socialiste, pas reagimeve dhe kundërshtive është tërhequr nga propozimi për nenin 13. Fatmir Xhafaj ka sqaruar se paragrafi i nenit 13 të ligjit të SPAK nuk ka lidhje me lirinë e medias dhe raportin që duhet të ketë me hetimin dhe prokurorinë.

?Neni 13 i ligjit per Strukturën e Posaçme Anti Korrupsion është një zhurmë e panevojshme. Në vetvete neni nuk ka te bëjë me lirinë e medias dhe raportin që duhet të ketë me hetimin dhe prokurorinë. Ka të bëjë me pavarësinë e Prokurorisë së Posaçme që ka punë shumë delikate dhe me konflikt. Ndaj është e nevojshme që të mbrohen prokurorët nga çdo ndikim i paligjshëm që deformon hetimin. Futja e medias nuk kishte qëllim censurën, por ndalimin e përdorimit të medias si instrument për presion. Në mënyrën si është shkruar, mund të keqkuptohet. Ndaj duhet ndryshuar e riformuluar? tha Xhafaj. /citynews/