web counter
LEXO PA REKLAMA!

SHKARKO APP

App Store
Google Play

Tragjeditë nga Siria/Foto e 5 vjecarit që bën xhiron e botës...

18 Gusht 2016, 12:12, Aktualitet CNA

Tragjedia dhe horrori që përjetojnë banorët e Sirisë gjatë bombardimeve përmblidhet në një fotografi të vetme: një fëmijë i mitur, 5 vjec, i ulur në karrige brenda një ambulance, pas bombardimeve në shtëpinë e tij në Aleppo.

Omran Daqneesh, është fëmija me prindër të humbur, i mbuluar nga pluhuri i gërmadhave, shfaqet me një fytyrë të ngrirë.

Edhe pse i gjakosur nga plagët e marra, ai nuk qan. Me një pamje të qetë ka vendosur duart e vogla mbi gjunjë, ndërsa mjekët janë larguar nga aty për të shpëtuar të tjerë fëmijë që mund të kenë mbetur nën gërmadha.

Stampat e figurave të filmave më kartona në bluzën e veshur mezi dallohen nga pluhuri e gjaku.

Foto dhe video e këtij djaloshi janë përhapur me shpejtësi në internet me qëllim që t?i tregojnë Botës cfarë po vuajnë sirianët.

Omran u plagos në kokë kur iu shemb shtëpia nga bombardimet që u bënë në periferi të Aleppo, në një zonë që kontrollohet nga rebelët.

Grupi Vullnetar i Civilëve në Siri shpëtoi dhe 3 fëmijë të tjerë sëbashku me 5-vjecarin që shihni në foto.

Mjekët thonë se asnjë prind i tyre nuk është paraqitur në spital. Ndërkohë dhjetra persona kanë reaguar nga imazhi i Omran.

?Më thahet zemra. Nuk duroj dot më?, shkruan dikush.

?Ju lutem pushoni luftën?, shkruan një tjetër.

Një lutje që bëhet nga mijëra persona që në momentin që Siria u përfshi nga konflikti i armatosur.





Lajmet e fundit nga