web counter
LEXO PA REKLAMA!

SHKARKO APP

App Store
Google Play

E fundit!

x

A është kjo arsyeja sepse Edi Rama nuk shkarkon Elvis Rroshin?

18 Gusht 2016, 11:24, Aktualitet CNA

Prej disa muajsh Kryeministri Edi Rama duket se ëhstë në dilemë për të firmosur një vendim që ka të bëjë me shkarkimin e Kryebashkiakut Elvis Rroshi nga detyra. Disa herë është përfolur për miqësinë që ekziston mes Kreut të Qeverisë dhe Kryetarit të Bashkisë së Kavajës, si shkak që Rama ka marrë në mbrojtje këtë të fundit, edhe pas hyrjes në fuqi të ligjit për dekriminalizimin. Sot Elvis Rroshi ndodhet në arrest shtëpie dhe zyrtarisht nën hetim nga organi i Prokurorisë në lidhje me fshehjen e të dhënave për të shkuarën e tij. Por njëkohësisht ai vijon të jetë në të njëjtën detyrë, madje duke e drejtuar Bashkinë e Kavajës nga shtëpia.

Citynews ka mësuar se prej 4 muajsh, periudhë në të cilën Rroshi paraqiti njiherë dorëheqjen dhe më pas e tërhoqi atë pas 3 ditësh, Kryeministri Edi Rama po tenton të bindë tenorin Agim Hushi që të pranojë kandidimin për postin e Kryebashkiakut. Burime të afërta me Kreun e Qeverisë pohojnë se Hushi ka refuzuar ftesat e herëpashershme të Ramës për të kandiduar me justifikimin se është i angazhuar në projekte në fushën e artit.

Sipas burimeve, kjo duket se është arsyeja kryesore sepse Rama po mban pezull vendimin për shkarkimin e Rroshit.

Mësohet se gjithashtu posti i Kryebashkiakut të Kavajës i është ofruar edhe njërit prej ligjvënësve socialistë, i cili mund të jetë asi nën mëngë i Kryeministrit, për të fituar përballjen në rast të të procesi zgjedhor të parakohshëm për Bashkinë e Kavajës.

Citynews ka mësuar se në ambiente të ngushta, Kryeministri ka deklaruar se kërkon të fitojë në ato njësi që konsiderohen si bastione të PD-së, sikundër është edhe Kavaja, e cila për herë të parë u fituar nga e majta me Rroshin si kandidat për kryebashkiak, në zgjedhjet vendore të 2011. /citynews/





Lajmet e fundit nga