web counter
LEXO PA REKLAMA!

SHKARKO APP

App Store
Google Play

E fundit!

x

Neni 13 në ligjin për SPAK/Vasili: U surprizova, një përcaktim i tillë nuk ka qenë në draft

18 Gusht 2016, 14:17, Aktualitet CNA

Kryetari i Grupit Parlamentar të LSI-së, Petrit Vasili, theksoi se ndjehej i suprizuar nga nenin 13 i ligjit të SPAK-ut, pasi sipas tij në draftin e kaluar në Komisionin e Posaçëm të Reformës në Drejtësi, të ligjit për SPAKU-un, një paragraf i tillë nuk ka ekzistuar.

?Për të qenë korrekt edhe me ju edhe me opinionin publik, në draftin e kaluar në Komisionin e Posaçëm të Reformës në Drejtësi, të ligjit për SPAKU-un, një paragraf i tillë nuk ka ekzistuar. Unë vërtet jam surprizuar kur e kam parë një nen të tillë të shtuar, pasi ne aty e shqyrtuam gjerësisht ligjin dhe nuk ka pas asnjë përcaktim i tillë, bile nuk është ngritur as ndonjë shqetësim i tillë për të pasur përcaktime të tilla?, tha Vasili. Ai shtoi se është e papranueshme që në një sistem demokratik, të ketë institucione të pakritikueshme.

?Sigurisht që koncepti im i pandryshuar, po kuptohet edhe në mënyrë shumë të qartë edhe koncepti i LSI-së, është ky: Është e papranueshme që në demokraci, në një sistem demokratik, të ketë institucione të pakritikueshme dhe në këtë mënyrë, sigurisht edhe thelbi i këtij përcaktimi, qartazi bie ndesh me këtë princip mbi të cilin demokracia ekziston dhe për të cilin është ngritur, ndaj dhe si i tillë vazhdoj ta ripërsëris, është një përcaktim i papranueshëm?, theksoi Vasili.

Kryetari i Grupit Parlamentar të LSI-së nënvizoi se ligji duhet të pastrohet nga përcaktime të tilla, të cilat kufizojnë të drejtën e kritikës dhe lirinë e medias.

?Qëndrimi ynë është që një përcaktim i tillë është i papranueshëm ndaj dhe si i tillë nuk duhet të jetë në ligj. Pra ligji duhet të pastrohet nga përcaktime të tilla të cilat kufizojnë të drejtën e kritikës, kufizojnë lirinë e medias dhe njëkohësisht atë princip të kontrollit edhe që shoqëria civile apo media ka në kuptimin më të mirë të fjalës, ta vazhdoj të ekzistoj sepse kjo e shëndosh demokracinë dhe nuk e sëmur atë?, u shpreh Vasili në një prononcim për mediat. /citynews/





Lajmet e fundit nga