web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në Qeveri/Ja ministrat që pritet të largohen në shtator?

18 Gusht 2016, 15:49, Aktualitet CNA

Qeveria Rama pritet të riformatohet në shtator, ndërsa disa nga anëtarët aktualë të kabinetit qeveritar, do t?i duhet të lënë postet e tyre. Por jo vetëm kaq, pritet që të ketë ndryshime edhe përsa i takon administrimit të dikastereve nga forcat politike të përfshira në Qeveri.

Ndryshimet e ministrave

Mësohet se në listën e ndryshimeve përfshihen Edmond Haxhinasto, Eglantina Gjermeni, Ilir Beqaj, Damian Gjiknuri, por edhe Mimi Kodheli, Lindita Nikolla dhe Ylli Manjani. Këto tre të fundit janë në varësi të kompozimit të Qeverisë duke ndryshuar administrimin e Ministrive nga PS dhe LSI. Ndërkohë që në këtë valë ndryshimesh mësohet ka shpëtuar Sajmir Tahiri, i cili mban postin e ministrit të Brendshëm.

Burimet nga mazhoranca shprehen për Citynews se Haxhinasto dhe Gjiknuri janë dy ministra që do të duhet të lënë postet e tyre për shkak të kushtetit të vendosur nga Ilir Meta, Kryetar i LSI-së. Haxhinasto, i cili mban postin e ministrit të Transporteve, përfaqëson LSI-në në Qeveri dhe largimi i tij duket se ka lidhje me përplasjet që ai ka pasur me kreun e partisë që përfaqëson.

Ndërkohë LSI kishte kërkuar largimin e Tahirit dhe Gjiknurit, për të cilat ka pasur dyshime se qëndrojnë pas sulmeve indirekte ndaj Kreut të Kuvendit, Ilir Meta. Duket se mes dy ministrave, Rama ka zgjedhur të mbajë Tahirin në Qeveri, megjithëse ende nuk dihet nëse do të vijojë në detyrën që ka apo do të marrë drejtimin e një tjetër ministrie. Beqaj pritet të largohet për shkak të performacës së dobët në sektorin e shëndetësisë, gjë që është pranuar nga vetë Qeveria në një nga dokumentet e botuar nga Citynews dhe që kishte të bënte pikërisht me furnizimin me ilaçe të qendrave spitalore dhe vënien në funksion të pajisjeve biomjekësore.

Gjermeni, e cila mban postin e ministres së Zhvillimit Urban, pritet të largohet për shkak se pozicioni i saj, mund t?i jepet PDIU-së, partisë së drejtuar nga Shpëtim Idrizi, i cili pritet të marrë një post ministror në kabinetin Rama. Ndërkohë nga LSI pjesë e Qeverisë mund të bëhet Petrit Vasili, megjithëse i duhet të heqë dorë nga mandati i deputetit, kjo në bazë të rregullit të vendosur dhe të pranuar që pas zgjedhjeve parlamentare të 2013.

Ndryshimet e Ministrive

Por veç emrave, Qeveria Rama mund të përfshihet në një ndryshim të administrimit të Ministrive. Kjo do të thotë që LSI të marrë ministri të tjera nga ato që administron sot, por pa ndryshuar numrin e tyre.

Burimet theksojnë se LSI ka kërkuar Ministrinë e Shëndetësisë dhe atë të Brendshme, ndërsa heq dorë nga ministria e Transporteve dhe ajo e Drejtësisë. Por burimet sqarojnë se ajo që mund t?I ofrohet partisë së drejtuar nga Meta është Ministria e Arsimit dhe ajo e Mbrojtjes. Në të dyja rastet, nisur edhe nga filozofia e funksionimit të LSI-së, të dy Ministritë përmbushin kërkesat e kësaj partie.

Qoftë përsa i takon vendeve të punës që janë në dispozicion, burimeve njerëzore, të cilat mund të përdoren përgjatë fushatës, sikundër ka ndodhur vite më parë me arsimtarët, por edhe për asetet që kanë në pronësi veçanërisht, Ministria e Mbrojtjes, të cilat nisin nga repartet ushtarake tek Uzinat, një pjesë e të cilëve mund të kalojnë në proces privatizimi. Burimet theksojnë se nëse ndodh kjo, atëherë PS merr drejtimin e Ministrisë së Drejtësisë, por edhe Transportet, dy ministry këto që prej 2013 drejtohen nga LSI. /citynews/





Lajmet e fundit nga