web counter
LEXO PA REKLAMA!

SHKARKO APP

App Store
Google Play

E fundit!

x

Trafik heroine nga Turqia/Shkatërrohet banda që vepronte në Spanjë dhe drejtohej nga një shqiptar

18 Gusht 2016, 17:33, Aktualitet CNA

Policia spanjolle arrestoi disa pjesëtarë të një grupi kriminal shqiptaro-bullgar, që merrej me trafikimin e drogave të forta nga Turqia dhe Ballkani, kryesisht heroinë.

Operacioni policor i zhvilluar të mërkurën, çoi në arrestimin e  7 personave, emrat e të cilëve nuk janë bërë publik për shkak të hetimeve.

Policia spanjolle, të cilës i referohen mediat, ka dalë në konkluzionin se grupi kriminale drejtohej nga një shqiptar me një histori të gjatë kriminale. Banda kishte ngritur një laboraror për përpunimin e heroinës në fshatin Gava të Barcelonës.

Anëtarët e bandës ishin të stërvitur mirë ushtarakisht dhe kishin disiplinë të rreptë. Lëvizjet e tyre ishin të mirëkordinuara, ata përdornin sisteme të sofistikuara komunikimi. Operacioni i policisë spanjolle ështrë mbështetur nga Europol dhe policia shqiptare.

Policia gjeti dhe sekuestroi në ambjentet e laboratorit 38 kg heroinë të pastër, 8 kilogramë kokainë, 50 kilogramë kimikate të përdorura për prerjen dhe përpunimin e drogës, një pistoletë me silenciator, municione, etj.

Krahas drogës, në cilësinë e provës materiale policia sekuestroi para, 10 automjete, telefona dhe kompjutera të përdorur për komunikim, dokumente në lidhje me ngjarjet nën hetim, etj.

Nga hetimet e deritanishme mësohet se droga sigurohej nga shqiptarët të cilët drejtonin dhe rrjetin e trafikut, ndërsa bullgarët merreshin me shpërndarjen e saj.

 





Lajmet e fundit nga