web counter
LEXO PA REKLAMA!

SHKARKO APP

App Store
Google Play

Basha akuza Ramës/Përdore reformën në drejtësi për të censuruar dhe burgosur gazetarët

17 Gusht 2016, 17:22, Aktualitet CNA

Kryetari i Partisë Demokratike Lulzim Basha akuzon Kryeministrin Edi Rama se po përdor nenin 13 të ligjit për aktivitetin e prokurorisë në luftën kundër korrupsionit për të vendosur një censurë të paprecedentë, duke parashikuar dënimin e gazetarëve.

Basha thekson se kjo masë nuk ka lidhje me reformën në drejtësi, por është standard u juntave të korruptuara.

Deklarata e Kryetarit të PD-së, Lulzim Basha

Nuk ka dyshim se Edi Rama fshihet pas djallëzisë së nenit 13 të ligjit për aktivitetin e prokurorisë në luftën kundër korrupsionit, që hap derën e një censure të paprecedentë, duke parashikuar dënimin e gazetarëve. Direkt me dorën e tij apo të ndonje xhafe, Edi Rama ka parashikuar qelinë për ndonjë gazetar që bën shkrim ose mban qëndrim të papërshtatshëm. Sigurisht, kjo masë nuk ka lidhje me reformën në drejtësi.

Është një standard i juntave të korruptuara. Ky nen sdo të kaloje kurrë, sepse do ndalet nga Partia Demokratike. Por është shumë e rëndësishme të zbardhet e plotë skema se si erdhi ky nen, kush e shkroi, kush zbatoi porosinë politike. Sepse futja në draft është shprehje e vullnetit të mbrapshtë, një ide që ka zënë rrënjë në kokën e të sëmurit te Surrelit.

Duhet transparencë e menjëhershme për këtë tentativë për të shkelur një prej lirive kryesore e themelore të demokracise. Une i siguroj gazetarët dhe përfaqësuesit e medias se ky nen-gijotinë do bjerë, por i ftoj ata të hetojnë të vërtetën rreth kësaj përpjekje për censurë me ligj. /citynews/





Lajmet e fundit nga