web counter
LEXO PA REKLAMA!

SHKARKO APP

App Store
Google Play

Ekskluzive skandali/ Edi Rama shpall fituesin një muaj përpara tenderit

15 Gusht 2016, 15:23, Aktualitet CNA

Kryeministri Edi Rama ka publikuar në rrjetet sociale disa foto nga projekti që e quan Rilindja Urbane për Vlorën. Në postimin e tij, Rama shkruan se do të përsëritet shembulli i shkëlqyer i restaurimit dhe rilindjes së Pazarit të Korçës. ?Qendra e vjetër dhe krejt e degraduar historike e qytetit të pavarësisë, do të restaurohet dhe kthehet në një pol të ri ekonomik e turistik të Vlorës. Përsëri partneri ynë do të jetë njësoj si në Korçë, Fondi Shqiptaro-Amerikan i Zhvillimit?, komenton Rama, duke e shoqëruar postimin me një seri fotosh.

Deri këtu nuk ka asgjë të keqe, nëse do të ishte bërë tenderi dhe do të ishte shpallur fituesi.

Por Citynews ka zbuluar skandalin, i cili nxjerr zbuluar Kreun e Qeverisë. AADF (Fondi Shqiptaro-Amerikan i Zhvillimit) në faqen e tij zyrtare njofton për çeljen e procedurave për tenderin mbi qendrën historike të Vlorës. Në njoftimin zyrtar AADF fton studiot arkitekturore, Restauratorët, Planifikuesit Urban, Inxhinjerët që të aplikojnë për këtë tender.

Po sipas njoftimit të AADF fituesit do të shpallen më 8 Shtator. Por Kryeministri përmes postimeve në rrjetet sociale ka publikuar foto sesi do të bëhet qendra e Vlorës, pra me pak fjalë ka publikuar projektin fitues. Sesi mund të shpallet fitues një projekt, rreth 1 muaj përpara se të mbyllen procedurat e tenderit, këtë vetëm Kryeministri e di. Tashmë i takon AADF të zgjedhë nëse fitues do të jetë projekti të cilin Rama e ka publikuar me foto në rrjetet sociale, apo fotot e publikuara nga Kreu i Qeverisë do të mbeten thjesht një dëshirë e tij sesi do të jetë qendra e Vlorës.  /citynews/





Lajmet e fundit nga