E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Vdekja e Pëllumb Marknikollajt/Totozani letër homologut grek: Nxit zbardhjen e ngjarjes

15 Gusht 2016, 13:09, Aktualitet CNA

Avokati i Popullit, Igli Totozani, ka reaguar në lidhje me vdekjen e shqiptarit Pëllumb Marknikollaj, i cili dyshohet se humbi jetën nga dhuna e ushtruar nga policia greke. Totozani kërkon nga homologu i tij grek që të ndërhyjë me kompetencat që i jep ligji për të nxitur institucionet shtetërore të zbardhin të vërtetën dhe shkaqet që çuan në vdekjen e të riut shqiptar.

Deklarata e Avokatit të Popullit

Pas shqetësimit publik, mbi një ngjarje të rëndë ende të pazbardhur, ku qytetari shqiptar Pëllumb Nikoll Marknikollaj dyshohet se humbi jetën nga dhuna e ushtruar prej policisë greke, Avokati i Popullit z. Igli Totozani, i është drejtuar homologut të tij grek, z. Andreas Pottakis. Në një letër zyrtare, Avokati i Popullit të Shqipërisë i kërkon Ombudsmanit grek z. Pottakis që të ndërhyjë me kompetencat që i jep ligji në mbrojtje të të drejtave dhe lirive të njeriut, për nxitjen e institucioneve shtetërore në zbardhjen e së vërtetës dhe shkaqeve që çuan në vdekjen e të riut shqiptar, z. Pëllumb Nikoll Marknikollaj

?Në respekt të familjes së të ndjerit dhe opinionit publik në Shqipëri, ta ndiqni këtë rast edhe në kuadër të kompetencave si mekanizëm kombëtar i parandalimit të torturës, i cili shqyrton veprimet dhe mosveprimet e organeve të policisë në respektim të të drejtave dhe të garancive të personave të privuar nga liria?, shkruan z. Totozani në letrën drejtuar homologut të tij grek z. Pottakis.

Avokati i Popullit z. Igli Totozani i ka dërguar edhe një shkresë zyrtare Ministrisë së Jashtme Shqiptare ku i kërkon informacione mbi hapat që po ndërrmerr ky institucion lidhur me zbardhjen e rrethanave dhe përgjegjësve që shkaktuan vdekjen e shqiptarit Pëllumb Nikoll Marknikollaj në rajonin e Policisë Kato Patisia, në Greqi.

Avokati i Popullit i shpreh ngushëllimet familjarëve të të ndjerit Marknikollaj, duke qenë pranë tyre në këtë fatkeqësi.

/citynews/