E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

PS nis fushatën për Bashkinë e Peshkopisë/Gjiknuri: Rama ua di hallet, për ka nevojë Dibra

15 Gusht 2016, 14:20, Aktualitet CNA

Kandidati i Partisë Socialiste për Bashkinë e Peshkopisë, Muharrem Rama ka nisur fushatën elektorale duke u takuar me qytetarët.

Në këtë dalje të parë publike, Rama shoqërohej nga kordinatori i Kryesisë së Partisë Socialiste për Qarkun e Dibrës, ministri i Energjisë dhe Industrisë Damian Gjiknuri. Në takimet e zhvilluara, ministri Gjiknuri tha se Partia Socialiste zgjodhi një njeri që jeton me hallet e njerëzve.

“Ndryshe nga forca tjetër politike, ne nuk duam të sjellim figura të ricikluara politike që e thonë vet se janë afër pensionit por na kërkon partia për interesat e saj. Ne duam që qytetarëve të Dibrës tu japim njeriun që meritojnë, tu japim djalin e tyre dhe njeriun që i ka shërbyer popullit”, tha Gjiknuri.

Në vijim ai shtoi se qytetarët e Dibrës, më shumë se sa një politikan që vjen thjesht për interesa politike, kërkojnë një njeri që jua di hallet, ka jetuar me hallet e tyre e që do vazhdojë të jetojë në këtë qytet.

Sipas tij, me Muharem Ramën kryebashkiak, Dibra do të ketë mbështetjen e qeverisë shqiptare për të çuar përpara e bërë realitet investimet që kanë nisur e që do të vazhdojnë.

Gjiknuri theksoi se kjo do të jetë fushata e qytetarëve, qytetarët le të vendosin: kanë këtu djalin e tyre që i ka shërbyer popullit; kanë dhe njerëz që kanë ikur, kanë bërë punët e tyre në Tiranë dhe tani vijnë tu kërkojnë votat për të ju gënjyer siç ju kanë gënjyer tash e 20 vjet.

Pas takimit me qytetarët në Peshkopi, ministri Gjiknuri dhe kandidati Rama u ndalën në një takim me banorët e Maqellarës me të cilët diskutuan mbi problematikat që has komuniteti.