Kryhet autopsia e Pëllumb Marknikollaj, rezultat pas disa ditësh/Si do të varrosej pa identit në Greqi 29 vjecari shqiptar?

15 Gusht 2016, 13:44, Aktualitet CNA

Pëllumb Marnikollaj, 29 vjecari nga fshati Rilë i Lezhës, që humbi jetën në Greqi, pas marrjes në pyetje në rajonin e policisë Kato Patisia në Greqi, u përcoll për në banesën e fundit.

Të shtunën në mbrëmje trupi i tij mbërriti në Shqipëri, ku iu bë autopsia në morgun e Tiranës pranë QSUT-së dhe ditët në vijim pritet të dalë rezultati mbi shkaqet reale të vdekjes. Raportet zyrtare nga shtetit grek mbi ngjarjen do të dalin ditët në vijim, pasi deri të martën administrata në Greqi është pushim.

Dyshimet janë se i riu humbi jetën si pasojë e dhunës nga policia greke, duke sjellë edhe njëherë në vëmendje rastin e Ilia Karelit, i cili humbi jetën në po të njëjtën formë në burgun e Trikalas.

Avokatja greke e viktimës thotë se të riut nuk i është dhënë ndihma e parë, e cila mund ti shpëtonte jetën. Pëllumb Marnikollaj i cili sapo kishte kryer dënimin me 8 vjet burg dhënë nga autoritetet greke për akuzën e vjedhjes. Sipas të afërmve, në datën 3 gusht, rreth orës 20.00 ai është paraqitur në rajon si masë detyrim paraqitje për të mos dalë i gjallë prej andej.

Më pas policia e coi në morg trupin e pajetë me pretendimin se i riu ka humbur jetën si pasojë e rënies nga kati i katërt i rajonit. Por pak minuta para se të futej në rajon, 29 vjecari ka pasur një komunikim telefonik me një mik të tij, të cilit i ka deklaruar se do të rimerrte mbrapsht pasi të përfundonte procedurat në rajon. Telefonata nuk erdhi kurrë çka detyroi familjarët që të kërkonin kontakte me të, ndërsa i vëllai ka udhëtuar nga Shqipëria drejt Athinës.

Pas shume kërkimeve dhe përmes një avokateje greke është gjetur trupi i të riut fatkeq në frigoriferin e varrezave ?Agio Anargioro? gati për t?u varrosur duke u klasifikuar si një kufomë pa identitet.

Fillimisht drejtuesit e varrezave kanë refuzuar të tregojnë trupin, të cilit i ishte bere autopsia pa praninë e prokurorisë, grupit hetimor, familjareve apo avokatit, por vetëm me urdhër te policisë greke.

Sipas miqve të të ndierit në trup 29 vjeçari Pëllumb Marnikollaj ka pasur shenja dhune. Situata bëhet edhe më e rëndë teksa drejtuesit e varrezave kishin marrë urdhër se trupi do të dorëzohej te familjarët vetëm nëse këta të fundit nuk do të bënin denoncim.