web counter
LEXO PA REKLAMA!

SHKARKO APP

App Store
Google Play

E fundit!

x

Kosovës e Shqipërisë i duhet një përmbysje e kapjes së shtetit

13 Gusht 2016, 09:11, Aktualitet CNA

Përmbysja e korrupsionit i ka bashkuar në një qëndrim të përbashkët analistët Fatos Lubonja e Veton Surroi gjatë një debati të organizuar në Kosovë nga Grupi Koha  në bashkëpunim me ?DokuFestin? dhe me KFOS-in.

Duke e vlerësuar korrupsionin në Kosovë e në Shqipëri, si një çështje të shumëdebatuar dhe një fenomen që ka kapur të gjitha institucionet shtetërore analistët pranuan edhe se lufta e tij nuk është e lehtë, pasi shteti është i kapur.  Analisti Fatos Lubonja tha se nuk është e lehtë që të gjesh arsyen pse kemi kaq nivel të lartë të korrupsionit, dhe po të nisësh të shkruash një libër, do duhej të ndahej në katër kapituj; hyrje për korrupsionin, shkaqet, pasojat dhe në kapitullin e katërt se si mund të luftohet.

?From before to after? ishte tema për të cilën bashkëbiseduesit, analizuan në thellësi pikënisjen e korrupsionit si formë e përhapur në masë të madhe në shoqëritë shqiptare dhe kosovare, por edhe në ato të rajonit.

Analisti Veton Surroi nga ana tjetër tha se duhet të ketë një lloj përmbysjeje të kësaj gjendjeje sepse shteti nuk mund të vazhdojë i kapur sepse nuk mund të jetë produktiv.
?Çfarë do të jetë natyra e përmbysjes, është çështje tjetër. Nuk duhet debatuar se a duhet përmbysur ky rend, sepse duhet përmbysur. Nuk i përmbush nevojat e qytetarëve të Kosovës. Shndërrohet në një shtet ku Ademi e Bahria vendosin se ku duhet me ?kunkuru? e ku s?duhet me ?kunkuru?. Këta njerëz pra e administrojnë tërë këtë hapësirë publike e cila duhet të çlirohet nga uzurpatorët. Kuvendi i Kosovës kur e ka votuar me 2/3 të votave themelimin e Gjykatës Speciale, ka pranuar se shteti është i kapur.?

Lubonja tha se edhe Shqipëria, pas 25 vjetësh, është duke e formuar një Gjykatë Speciale që, sipas tij, është një shenjë e dështimit të gjithë kësaj klase politike. ?Është komplet situatë e njëjtë tek ne?, theksoi ai.
Lubonja e ka ndërtuar metaforikisht ndërtesën e pushtetit në Shqipëri, duke e ndarë në një ndërtesë me tre kate plus bodrumi.
?Në katin e parë e kam vendosur pushtetin oligarkik-ekonomik. Në bodrum kam futur krimin, paratë e krimit. Në katin e dytë mediat, shpeshherë të lidhura, dhe në katin e tretë politikën. Politika në Shqipëri është vërtetë e ndarë në dy pjesë, por strukturat e përbashkëta kanë një ashensor që lëviz nga bodrumi deri në katin e tretë dhe kjo është ndërtesa e pushtetit. Ndërrimet e partive politike nuk ndërrojnë asgjë në këtë ndërtesë. Vetë thelbi i një shteti demokratik është që të mos jenë të gjitha në një objekt, por t?i kesh të ndara këto. Por, të gjitha janë në të njëjtat duar të një kaste e cila duhet rrëzuar?, tha ai, duke theksuar se as ai nuk e di se cila do të jetë mënyra e rrëzimit. /Citynews.al

 





Lajmet e fundit nga