web counter
LEXO PA REKLAMA!

SHKARKO APP

App Store
Google Play

Pazari politik/A do t’i ofrojë Rama, Idrizit Tatimet dhe Doganat?

13 Gusht 2016, 08:17, Aktualitet CNA

Qeveria pritet të rikonfigurohet në vjeshtë, ndërsa Kryeministri Edi Rama do të zbatojë marrëveshjen me PDIU-në e Shpëtim Idrizit për një post qeveritar. Burime nga mazhoranca bënë të ditur për Citynews se ende nuk është vendosur se cilën nga Ministritë do të drejtojë PDIU, por mësohet se ajo do të jetë një nga dikasteret që sot drejtohet nga socialistët.

Por veç ministrisë, PDIU do të marrë drejtimin edhe të disa drejtorive të rëndësishme, ndërsa në lojë janë edhe Drejtoria e Përgjithshme e Tatimeve dhe ajo e Doganave. Burimet theksojnë se nuk dihet nëse Rama do të pranojë që dy nga drejtoritë më të rëndësishme për mbledhjen e të ardhurave do t?i besohen një partie të vogël parlamentare, por duket se lëvizjet e Kryeministrit do të bëhen në kuadër të pazareve politike, për të rritur peshën e PDIU-së në qeverisje përballë presionit që prej muajsh LSI dhe kreu i saj Ilir Meta po ushtrojnë mbi Kreun e Qeverisë dhe PS.

Burimet shprehen se gjithçka pritet të zyrtarizohet në javën e 3 të shtatorit, ku besohet se Rama do të ndërmarrë hapat për ndryshimet në Qeveri.

Pavarësisht raporteve mes dy partive kryesore në koalicionin qeveritar, PS dhe LSI, duket se Rama po mendon për të fuqizuar PDIU-në e Idrizit, si një faktor të rëndësishëm në zgjedhjet e ardhshme parlamentare, duke synuar minimizimin e peshës së LSI në politikë. /citynews/





Lajmet e fundit nga