web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e 17 vjecarit/Totozani: Hetim administrativ ndaj institucioneve në zbatimin e ligjit

11 Gusht 2016, 15:23, Aktualitet CNA

Avokati i Popullit, Igli Totozani, shpreh tronditjen më të thellë për ngjarjen e rëndë të vrasjes dhe më pas braktisjes së 17 vjeçarit, Ardit Gjokli, në fushën e mbeturinave në Sharrë.

Avokati i Popullit mbështet dhe inkurajon Prokurorinë e Tiranës, që të zhvillojë një hetim të hollësishëm dhe gjithëpërfshirës, për të gjetur dhe për të vënë përpara ligjit autorët dhe përgjegjësit e këtij akti tragjik.

Avokati i Popullit deklaron se ka nisur një hetim administrativ për të verifikuar nëse institucionet shtetërore përgjegjëse kanë monitoruar trajtimin e të drejtave të punonjësve në kompaninë private të riciklimit të mbetjeve në fushën e Sharrës, ku 17 vjecari Ardit Gjokli, punonte prej disa kohësh.

Pjesë e hetimit të ekspertëve të Avokatit të Popullit është kërkesa për informacion drejtuar institucioneve shtetërore të përfshira, që kanë në kompetencën e detyrave të tyre funksionale: verifikimin e zbatimit të kodit të punës për punonjësit, kushtet e  kontratës, pagesën e sigurimeve, si dhe monitorimin e zbatimit të kushteve të sigurisë në punë  nga ana e firmës private që ushtron aktivitetin në fushën e mbledhjes së mbeturinave në Sharrë.  /citynews/





Lajmet e fundit nga