web counter
LEXO PA REKLAMA!

SHKARKO APP

App Store
Google Play

E fundit!

x

Ja drejtuesit e policisë të lidhur me mbjelljet e kanabisit

11 Gusht 2016, 10:26, Aktualitet CNA

Ashtu sic kishte paralajmëruar një ditë më parë, Partia Demokratike ka zbardhur emra të tjerë të drejtuesve të policisë së shtetit, si te implikuar në kultivimin dhe trafikimin e lëndëve narkotike. Në një deklaratë për mediat, nënkryetari i PD-së, Edi Paloka tha se në krye të skemës qëndron kryeministri, Edi Rama, sipas të cilit përfiton 30% të vlerës së cdo rrënje kanabisi.

?Megjithë faktet tronditëse për përfshirjen e drejtuesve të tij në Policinë e Shtetit, në mbjelljen, rritjen, ruajtjen dhe trafikimin e drogës në gjithë vendin, Edi Rama hesht. Hesht sepse i madh e i vogël e dinë se ai gjendet në krye të këtij biznesi kriminal, në krye të skemës së 30 përqindëshit për cdo rrënjë kanabis. Kemi sot të dhëna të reja për hartën e drogës, ndërthurjen e interesave, dhe mënyrën se si menaxhohet ajo nga njerëzit e Edi Ramës. Informacione që vijnë nga shërbimet partnere dhe shërbimet inteligjente të vendit?, tha Paloka.

Nënkryetari i PD vijon me emrat e drejtësusve të policisë së shtetit duke I rendistur si mëposhtë:

?Ish-shefi i Komisariatit Nr.4 në Tiranë, Fatmir Lleshi është transferuar drejtor në Berat, ku të dhënat tregojnë se ky qark ka numrin më të madh të rrënjëve të kanabisit në gjithë vendin.

Të dhënat flasin se drejtori i SHISH në këtë zonë, është paguar më 270 mijë euro që të mos raportojë parcelat me drogë.

Dritan Lena, që me Edi Ramën u bë drejtor i policisë së Qarkut Lezhë, u hetua nga shërbimi i kontrollit të brendshëm, kur ishte shef i krimeve tek komisariati katër, dhe rezultoi se kishte marrë shuma parash nga një grup trafikantësh të drogës që kishin tre parcela hashashi në zonën e Zall Bastarrit?.

Po ashtu ai ka bërë publike edhe hartën e zonave të kultivuara me kanabis sativa.

?Në Tiranë është mbuluar me kanabis e “Çara e Selitës”, përballë “Qaf Mollës” – “Mali Dajt”. Pranë varrezave të Shish-Tufinës është hapur sipërfaqe me 60 dynymë për drogë, ku janë prerë pishat e larta. Merret dhe uji i pishëm i Selitës për të vaditur kanabisin. Fshatarët janë mashtruar dhe trafikantët kanë ngritur stalla gjoja për blegtori, po në fakt mbi 60 punëtorë merren me bimët narkotike. Raportohen 150 mijë deri në 200 mijë rrënjë. Në liqenin e “Kollogjesht” – “mali Dajt” – në kufi me Elbasanin dhe Librazhdin, janë liruar zona të mëdhaja me fadroma, për kanabis. Ruhen me njerëz të armatosur.

Ne ?Zallbastar? dhe ?Zgurë?, Alban Ahmetaj, ish-drejtor i forcave operacionale, ka në zotërim parcela të tëra që ruhen nga një ish agjent krimesh, Hysni Mancaku.

Në Ersekë, ka mbi 80.000 rrënjë të mbjella në zonat Starje, Rehove dhe Leskovik. Shefi Komisaritit Erseke, Robert Ibraimi, shefi Komisariatit Devoll, Erjon Birce, shefi Komisaritit Maliq Arian Hoxha, drejtori i Kufirit Korçë, Dashamir Spaho, të gjithë në shërbim të drogës me në krye Drejtorin e Policisë, Ajet Zyberi. Në zonën e Selcës në Tepelenë, janë mbjellë sasi të mëdha me kanabis. Përgjatë grykës së lumit Vjosë, prej gati 3 muajsh ulen avionë të vegjël dhe ngarkohen me drogë. Fshati Bubës 1 – Përmet,  Bubës 2- Këlcyrë  – Ballaban, janë mbuluar me kanabis. Në Kolonjë, në fshatin Piskal, janë mbjellë sasi të mëdha droge. Specialisti i SHKB-se Robert Haskaj, administron sipërfaqe të tëra me lëndë narkotike në fshatin Amonic. Robert Haskaj ka mbrojtjen e Drejtorit të SHÇBA, Arben Skendo?, thotë Paloka./citynews





Lajmet e fundit nga