Pas Brisit, pritet largimi i Drejtoreshës së Doganave?

11 Gusht 2016, 11:53, Aktualitet CNA

Pas shkrimit nga Citynews.al për largimin e drejtoreshës së Tatimeve Briseida Shehaj, të tjera ndërrime priten, një nga emrat është edhe drejtoresha e Doganave, Pranvera Fagu. Lidhur me situatën dhe këtë valë qarkullimesh flet djali i ish-Presidentit, Denion Mejdani.

?Lexoj lajmet si përditë dhe ç’të shoh: “lajmin bombastik” që do iki në shtator Brisi e tatimeve. E tmerrshme! Pse?! Mos e ka fajin lufta e dështuar kundër informalitetit? Po prit se do bëhej një tentativë e re në gusht; pse nuk priten këta? Më kishin thënë para pak ditësh edhe për Pranverën e doganave që e paskërkan lajmëruar që do ikte në shtator. Se normalisht këto punë kështu e kanë, me paralajmërim përpara se nuk qepen kollaj letrat e gojët e liga. E gjithë kjo zallamahi pak ditë të shkreta mbasi ministri i linjës deklaroi që ekonomia është në shina të shëndosha dhe planet po realizohen natyrisht njësoj si në kohën e socializmit me mbi 100%. Shumë nga ju habiten dhe pyesin veten pse këto të dyja e ca drejtorë të tjerë. Vallë rifreskim? Impuls i ri? Unë do të thoja që mbase dhe marreveshjet e korrikut të nxehtë për të krijuar 71 plus vota pa LSI mund të kenë pikërisht këtë faturrë të shtatorit që ne lexojmë sot. Dikujt doganën e Durrësit, siç pamë në lajme kohë më parë, dikujt të përgjithshmen, dikujt një tender e dikujt një leje 30 katëshi, mu në zemër të Tiranës. Të qeverisësh pa numrat e LSI-së në situatën ku është qeveria e parlamenti nuk është fare e lehtë dhe sigurisht këtë ka pranuar kokëulur më në fund besoj dhe “kryeshefi” dhe prandaj mbase ngriti me nxitim flamurin e bardhë me ngjalën që valëvitet si kafkë pirate në mes të tij, e rreku të lerë kërcënimet për burgime të bujshme e të bëjë paqe duke filluar negociata, lëshime e mbase edhe rifreskime? deklaron djali i ish-Presidentit, Denion Mejdani, për Citynews.al