web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e PD për lidhjet e policisë me drogën/Krimet e Rënda nisin hetimet, i kërkohet ndihmë edhe agjensive ligjzbatuese

11 Gusht 2016, 17:20, Aktualitet CNA

Prokuroria e Krimeve të Rënda nis kryesisht hetimet ndaj drejtuesve të policisë, të cilët një ditë më parë u akuzuan nga Partia Demokratike për lidhje me trafikun e drogës.

Burime nga organi i akuzës bënë të ditur se me urdhër të Kryeprokurorit Adriatik Llalla, një grup prokurorësh të Prokurorisë së Krimeve të Rënda kanë nisur hetimet, mbi bazën e denoncimit publik të bërë nga PD.

Burimet shprehen për Citynews se hetimi përfshin Drejtorët e Policisë në Qarqe, shefa komisariatesh, drejtues të strukturave kundër krimit dhe lëndëve narkotike. Ndërkohë mësohet se në këtë hetim, do të angazhohen edhe prokuroritë e rretheve, të cilat kryesisht do të luajnë rolin e mbledhjes së të dhënave.

Por burimet theksojnë se në këtë hetim të nisur kryesisht, do t?i kërkohet gjithashtu Partisë Demokratike të depozitojë fakte dhe prova nëse ka, që mund të ndihmojnë hetimin, sikundër do t?i kërkohet  agjensive ligjzbatuese që të angazhohen në mbledhjen e të dhënave sipas metodikës së punës së tyre.

Burimet pohojnë për Citynews që brenda pak ditësh pritet të ketë një takim mes drejtuesve të agjensive ligjzbatuese për të koordinuar punën dhe për të pasur një hetim sa më efikas.

Drejtuesit e policisë të akuzuar nga PD

Ervin Hodaj, Drejtor i Policisë Tiranë, sebashku me zëvendësin e tij, Ermal Muca, janë të implikuar në kultivimin e bimëve narkotike dhe vjeljen e 30 përqindëshit në zonat Peze, Preze, fshatrat mbrapa malit të Dajtit, Zallherr, në Kombinat me sera, deri në kufi me Durrësin dhe Kavajën.

Jeart Çela, Drejtor i Policisë në Vlorë, lidhje e fortë e Tahirit dhe vëllezërve Habilaj. Menaxhon drogën në Novoselle, Mifol, Vjosë, Nartë, Panaja, Zvernec, Trevllazer. Më tej në Risili ? Llakatund ? Trevllazer- Mekat ? Kanine, dhe zona e trete eshte Vranisht ? Llakatund_ Terbaq ? Mesaplik ? Gjorm ? Brataj- Ramic ? Sevaster. Vlen për tu theksuar se zona Armen- Kocul ?Selenice ? Pocem që lidhen me fshatrat e Tepelenes kontrollohet nga grupi i shoqërimit të ministrit Tahiri.

Afrim Tafa, në drejtorinë e Policisë Berat, sëbashku me shefin e komisariatit të Skraparit, Ferdinand Dusha dhe me Shefin e Komisariatit Berat, Learton Hoxha kanë nën përgjegjësi drogën në afërsi të Malit të Tomorrit nga krahu i Beratit ku janë mbjellë rreth 80.000 rrënjë kanabis, dhe krahu i Skraparit ku janë mbjellë rreth 100.000 rrënjë.

Edmond Targaj, Drejtor i Policisë Qarku Dibër, ka nën hyqëm 12 grupe kriminale nga tepelena vlora dhe dibra, që mbjellin e trafikojnë drogën. Zonat ku është përqendruar ky aktivitet janë fshati Vicisht me rreth 20.000 rrënjë bimë cannabis, fshati Muhurr me 15.000 rrënjë, fshati Qaf ? Muhurr me 17.000 rrënjë dhe fshati Shupenzë, me rreth 50.000 rrënjë. Porosia është të mos pranohet asnjë ofertë më pak se 10 mijë rrënjë. Ndihmësi i Edmond Targajt në dibër, është Robert Aga, i përfolur në cdo raport të shërbimeve partnere për rolin e tij kyc në trafikimin e drogës.

Fatmir Lleshi, në detyrën e tij si shef i Komisariatit 4 në Tiranë, në bashkëpunim me deputetë të PS-sënë Tiranë, u kujdesën për drogën në zonën e Tujanit, dhe në rrethinat e Dajtit. Me ndihmën e inspektorit të policisë Demaliaj dhe Alban Ahmetaj, menaxhohet dhe kanabisi i Shëngjergjit.

Erjon Ismailaj, shef i Komisaritatit të Policisë Krujë, i përfshirë drejpërdrejt në kultivimin e kanabisit, ku mendohet se janë rreth 75.000 rrënjë. Ky shef komisariati dorë e Shullazit dhe Tahirit ka keqtrajtuar dhe mbajtur peng disa ore inspektore të mjedisit që konstatuan arat me droge, dhe i kërcënuan me jetë nëse flasin.

Henrigert Mitri, menaxhon mbi 40 mijë rrënjë në zonën e Burrelit, ku është shef komisariati, një njohje e vjetër e Shullazit dhe Erjon Braces. Ishte shef komisariati në Lushnje, kur ndihmoi për fshehjen e provave pas rënies së avionit me drogë në Divjakë.

/citynews/





Lajmet e fundit nga