web counter
LEXO PA REKLAMA!

SHKARKO APP

App Store
Google Play

Detaje tronditëse/Viktima në Himarë, i ishin prerë gjymtyrët dhe shpina

3 Gusht 2016, 14:26, Aktualitet CNA

Një ngjarje tronditëse u shënua mëngjesin e së mërkurës në ujërat e Himarës.

Një turist i huaj, i identifikuar si Denis Kaiumov, 43 vjeç, banues në Rusi, humbi jetën në mënyrë tragjike pasi është goditur nga një mjet uji duke marrë dëmtime në pjesën e shpinës dhe të gjymtyrëve.

Viktima po pushonte në Himarë me vajzën dhe bashkëshorten.

Ngjarja ka ndodhur rreth orës 11:40 midis Himarës dhe Livadhit.

?Rreth orës 11:40, midis Himarës dhe Livadhit është parë një person i dëmtuar brenda në det (rreth 50 m larg bregut) dhe me ndihmën e një skafi është nxjerrë në anë të detit, nga ku është marrë dhe është transportuar menjëherë në Spitalin e Himarës, vend në të cilin ka ndërruar jetë,?informon Policia e Vlorës.

?Nga këqyrja që i është bërë trupit të viktimës, ka rezultuar se ka marrë dëmtime në pjesën e shpinës dhe të gjymtyrëve?, informon policia.

Dyshohet se mjeti lundrues ka hipur sipër plazhistit dhe helika e ka prerë në brinjë dhe këmbën e majtë.

Kur ka dalë në breg, viktima kishte këmbën e majtë të prerë, kanë thënë dëshmitarët.

?Paraprakisht dyshohet se mund të jetë goditur nga ndonjë mjet i shpejtë lundrues, i cili është larguar menjëherë nga vendi i ngjarjes?.

Gjeneralitetet e viktimës ende nuk janë bërë të ditura, por dyshohet se mund te jetë rreth 40-50 vjeç dhe se mund të jetë shtetas i huaj.

Policia e Vlorës në bashkëpunim me Policinë Kufitare po punojnë për dokumentimin e plotë të ngjarjes si dhe për përcaktimin e shkaqeve të saj.





Lajmet e fundit nga