web counter
LEXO PA REKLAMA!

SHKARKO APP

App Store
Google Play

E fundit!

x

Drejtësia/Vlahutin: Disa nga njerëzit më të pasur në Shqipëri janë gjyqtarët

3 Gusht 2016, 11:26, Aktualitet CNA

Disa nga njerëzit më të pasur në Shqipëri janë gjyqtarët, edhe pse pagat e tyre janë 800 euro në muaj. Deklarata është bërë nga Ambasadorja e Bashkimit Europian në Tiranë, Romana Vlahutin, sipas të cilës reforma në drejtësi do të hetojë dhe zbulojë lidhjet që kanë gjyqtarët dhe prokurorët, përfshi edhe pasurinë e tyre.

Këto deklarata diplomatja e BE-së në Tiranë i bëri në një intervistë për radion gjermane ?Deutschlandfunk?

?Tingëllon e çuditshme, por në fillim të viteve 1990, të gjithë gjyqtarët ishin të kohës së komunizmit. Më pas nisi një kurs gjashtëmujor për të formuar gjyqtarët e rinj. E gjitha kjo bëri që korrupsioni të jetë një problem i madh i drejtësisë.

Me reformën në drejtësi, gjyqtarët do kalojnë në të ardhmen në një proces hetimi, për të zbuluar lidhjet e tyre me krimin e organizuar dhe për të mësuar për të ardhurat e tyre. Nuk është sekret, që disa gjyqtarë këtu janë ndër njerëzit më të pasur në vend- edhe pse marrin 800 euro në muaj?, tha Vlahutin.

Radioja gjermane shkruan se paketa e reformës në drejtësi ishte parashikuar të miratohej në fund të muajit mars, por ajo u miratua në korrik pas presionit të madh të ndërkombëtarëve veçanërisht ndaj Partisë Demokratike./citynews/





Lajmet e fundit nga