E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Reagimi i PD/Rama sulmon Nishanin mbron Shukriun, Roshët, dhe Bushët

3 Gusht 2016, 11:03, Aktualitet CNA

Partia Demokratike akuzoi Kryeministrin Edi Rama se po sulmon Presidentin Bujar Nishani për të mbrojtur Shukri Xhelilin.

PD reagoi përmes Zëdhënëses Ina Zhupa ndaj deklaratës së Partisë Socialiste, e cila kërkoi nga Presidenti të tërhiqte dekretin mbi datën e zgjedhjeve në Peshkopi për Kryebashkiakun e qytetit.

“Pretendimi i sotëm i Edi Ramës është fare qesharak nga ana ligjore, pasi Gjykata Kushtetuese, e cila rrëzoi kërkesën e Shukriut për të qendruar në detyrë, e njofton Presidentin me shkrim, dhe nuk ka nevojë në këtë rast ta publikojë vendimin në fletoren zyrtare”, tha Zhupa.

Deklarata e PD

Edi Rama mori sot në mbrojtje një prej akteve më të rënda që ka provokuar mbarë shoqërinë shqiptare, sic ishte favori seksual që kërkoi Shukriu i tij në Dibër në këmbim të një vendi pune.

Duke sulmuar Presidentin e Republikës, për shpalljen e dekretit të zgjedhjeve në Dibër, Edi Rama u rreshtua në krah të abuzimit me pushtetin, në krah të perversitetit, në krah të aktit të ish-kryetarit të Bashkisë së Dibrës, akt të cilin e ka dënuar cdo shqiptar, i majtë, i djathtë i paparti.

Pretendimi i sotëm i Edi Ramës është fare qesharak nga ana ligjore, pasi Gjykata Kushtetuese, e cila rrëzoi kërkesën e Shukriut për të qendruar në detyrë, e njofton Presidentin me shkrim, dhe nuk ka nevojë në këtë rast ta publikojë vendimin në fletoren zyrtare.

Kodi Zgjedhor thotë qartë se data e zgjedhjeve caktohet jo më herët se 30 ditë dhe jo më vonë se 45 dite nga data e vendimit të Gjykatës Kushtetuese, dhe se Presidenti i Republikes është i detyruar ta dekretoje datën brenda 48 orësh nga njoftimi i Gjykates Kushtetuese. Gjykata Kushtetuese e ka njoftuar Presidentin zyrtarisht në të njëjten datë me vendimin, pra me 1 gusht. Dekreti i Presidentit është plotësisht sipas ligjit.

Ky pretendim qesharak i Ramës sot është thjesht një maskë për të mbrojtur Shukriun.

Eshtë ky kryeministër që mbron të inkriminuarit, mbron të dënuarin për përdhunim në Kavajë, mbron Bushin në Krujë, mbron Bardhin në Kurbin, të cilët janë subjekte të njohura të dekriminalizimit, për shkak të së kaluarës kriminale.

Për të mbrojtur me cdo kusht pushtetin, dhe i kapur në panik nga vota e qytetarëve, tani Edi Rama del në mbrojtje edhe të Shukriut të Dibrës.

I mban dhe i mbron Edi Rama, bushin, roshin, bardhin, shukrin sepse me ta ndan pushtetin, dhe me ta kërkon të prishë zgjedhjet e ardhshme.

Por Edi Rama nuk e ndalon dot gjykimin popullor me votë në Dibër me 11 shtator, e shumë shpejt në gjithë vendin, në cdo fshat e qytet.

Shqipëria është më mire pa Edi Ramën. /citynews/