web counter
LEXO PA REKLAMA!

SHKARKO APP

App Store
Google Play

E fundit!

x

Gjendet një trup i pajetë në det/ Dyshohet se është goditur nga një motor uji

3 Gusht 2016, 11:32, Aktualitet CNA

Një person ka humbur jetën në plazhin e Himarës.

Trupi i pajetë është gjendur në det gjatë orëve të paradites, ndërsa dyshimet janë se personi është goditur nga një motor uji.

Trupi i pajetë është dërguar në spitalin e qytetit, ndërsa nuk dihet identiteti.

Policia ka nisur hetimet mbi ngjarjen, ndërsa ka shoqëruar një të dyshuar si dhe ka sekuestruar një motor uji.

“Rreth orës 11:40, midis Himarës dhe Livadhit është parë një person i dëmtuar brenda në det (rreth 50 m larg bregut) dhe me ndihmën e një skafi është nxjerrë në anë të detit, nga ku është marrë dhe është transportuar menjëherë në Spitalin e Himarës, vend në të cilin ka nderruar jetë.

Nga kqyrja që i është bërë trupit të viktimës ka rezultuar se ka marrë dëmtime në pjesën e shpinës dhe të gjymtyrëve.

Gjeneralitetet e viktimës ende nuk janë bërë të ditura, por dyshohet se mund te jetë rreth 40-50 vjeç dhe se mund të jetë shtetas i huaj.

Paraprakisht dyshohet se mund të jetë goditur nga ndonjë mjet i shpejtë lundrues, i cili është larguar menjëherë nga vendi i ngjarjes”, thuhet në njoftimin paraprak të policisë.

/citynews/





Lajmet e fundit nga