web counter
LEXO PA REKLAMA!

SHKARKO APP

App Store
Google Play

E fundit!

x

Aksidentet, Xhika mbledh drejtorët e ARRSH/Sinjalistika mungon vetëm në 25 % të rrugëve

3 Gusht 2016, 14:14, Aktualitet CNA

Aksidentet rrugore të ndodhura në javët e fundit duket se kanë detyruar Drejtorin e ARRSH-së, Dashamir Xhika, të mbledhë drejtorët rajonalë, për të diskutuar mbi sigurinë rrugore.

Akuza që i bëhet ARRSH-së, qoftë edhe nga Policia e Shtetit, është mungesa e sinjalistikës në akse të ndryshme.

Por duket se Xhika dhe drejtorët rajonalë nuk kanë të njëjtin mendim.

Sipas tij, sistemi rrugor kishte 70% të pambuluar me sinjaliatikë, ndërsa tani është vetëm 25%.

Në lidhje me aksidentin e ndodhur në Velipojë ku 4 të rinj humbën jetën,  Xhika shprehet se aksidenti ndodhi në një aks që nuk është në juridiksionin e ARRSH.

“Në zonën ku ndodhi aksidenti dje në Velipojë ekziston sinjalistika rrugore, ndërsa aksi nuk është në juridiksionin tonë.

Aksidenti ndodhi 30 metra larg rrugës kryesore në një rrugë dytësore. Institucionet e tjera nuk duhet që të akuzojnë ARRSH me qëndrime të pasakta për shkaqet e aksidenteve, pasi vetëm 4% e tyre ndodhin nga mungesa e sinjalistikës. Ne kemi investuar në sinjalistikën rrugore dhe ndërtimin e rrugëve”, tha Xhika.





Lajmet e fundit nga