web counter
LEXO PA REKLAMA!

SHKARKO APP

App Store
Google Play

E fundit!

x

“Vrasjet me porosinë e Metës”- Gjykatësja e akuzuar për korrupsion kërkoi burg për Tom Doshin/ Bashkëshorti, këshilltar i LSI-së

16 Korrik 2016, 21:12, Aktualitet CNA

Gjykatësja Majlinda Andrea dhe bashkëshorti i saj, Odhise Andrea, i cili mban detyrën e këshilltarit të LSI-së në Komisionin e Sigurisë janë shpallur në kërkim për një rast korrupsioni të hetuar nga Prokuroria e Përgjithshme.

Çifti Andrea akuzohet se ka marrë 50 mijë euro ryshfet për një çështje trualli në zonën e Butrintit.

Rasti Ilir Meta ? Tom Doshi dhe bashkëshorti LSI-st

Më shumë se një vit më parë, Tom Doshi, atëherë deputet i Partisë Socialiste, deklaroi publikisht se kreu i Kuvendit, Ilir Meta, kishte porositur vrasjen e tij dhe të deputetit demokrat Mhill Fufi.

Në atë kohë, Doshi u arrestua për dëshmi të rreme. Më pas ai doli në gjykatë për të mësuar masën e sigurisë. Gjykata vendosi të mos e linte në burg Doshin, por një prej anëtarëve kërkoi qëndrimin në burg të Doshit. Ajo ishte Majlinda Andrea, e cila në argumentimin e saj, shpjegoi se ekziston rreziku i largimit të Doshit dhe se ai mund të vërë në rrezik marrjen ose vërtetësinë e provës dhe ka rrezik, për shkak të rrethanave të faktit dhe personalitetit të tij, të kryejë krime më të rënda apo të të njëjtit lloj me ato për të cilat procedohet.

Në kohën kur u mor vendimi, bashkëshorti i saj, Odhise Andrea mbante postin e këshilltarit të LSI-së në Komisionin e Sigurisë. Ai u emërua në këtë post në vitin 2013 nga Ilir Meta. Ky nuk është i vetmi rast që gjyqtarja Majlinda Andrea ka gjykuar një çështje që lidhet me kreun e LSI-së Ilir Meta. Në vitin 2011, Andrea ishte një prej gjyqtarëve që dha pafajësinë për Ilir Metën në lidhje me video-përgjimin e denoncuar nga Dritan Prifti./citynews





Lajmet e fundit nga