Flet Besnik Mustafaj: Basha ka bërë gabime të palejueshme për një lider

16 Korrik 2016, 18:47, Aktualitet CNA

Ish deputeti i Partisë Demokratike, Besnik Mustafaj, shprehet në një intervistë për Zërin e Amerikës se kreu i PD, Lulzim Basha ka bërë gabime të palejushme s për një lider në lidhje me reformën në drejtësi. Ai shprehet se Basha, për ta bërë drejt rolin që i takon në këtë reformë, duhet që pasi, është studiuar projekti, i paraqiten vërejtjet Komisionit të Venecias, dhe ato duhet të ishin të qarta për demokratët, për gjithë shqiptarët, për trupin diplomatik se çfarë koncepti ka PD-ja për këtë reformë, por kjo gjë nuk është bërë.

?Zoti Basha ka bërë gabime të palejueshme për një lider. Dy ditë më parë në mbledhjen e grupit parlamentar zotit Basha i është ngritur nga kolegët problemi i mungesës së një koherence, i mungesës së një transparence me ekipin parlamentar të PD-së. Ai është lider i një partie si PD, me kapacitete shumë të mëdha ekspertësh, juristësh, që janë edhe në politikë. Për ta bërë drejt rolin që i takon në këtë reformë, duhet që pasi, është studiuar projekti, i paraqiten vërejtjet Komisionit të Venecias, dhe ato duhet të ishin të qarta për demokratët, për gjithë shqiptarët, për trupin diplomatik se çfarë koncepti ka PD-ja për këtë reformë, por kjo gjë nuk është bërë?, shprhet Mustafaj

Më tej ai vijon i habitur se Basha dhe ekipi i tij ka nxjerrë argumenta të tjerë në lidhje me reformën në drejtësi, dhe ka ndryshuar qëndrim disa herë, në mënyrë jokalendarike. Mustafaj nënviozon se këto lëvizje të Bashës nuk e bëjnë të ndjehet mirë një demokrati, por i jep pikë qeverisë së Ramës.

?Në mënyrë sistematike janë nxjerrë argumenta të tjerë, a thua se aty ishte një minierë ku zoti Basha dhe ekipi i tij vazhdimisht gërmonin dhe gjenin gjëra të reja në një tekst ekzistues. Ai lexohet, analizohet nga ekspertët dhe politikanët dhe PD i ka kapacitetet për të dalë që në fillim me vërejtjet. Nuk mundet që herë pas here dhe në mënyrë jokalendarike të dalësh me versione të reja, sepse ky është sabotim i reformës dhe unë si demokrat nuk ndjehem mirë, sepse kjo i jep pikë një qeverie si kjo e Edi Ramës?, përfundon ai