web counter
LEXO PA REKLAMA!

SHKARKO APP

Bashkëshorti i gjykatëses së akuzuar për korrupsion, këshilltar i Ilir Metës në Komisionin e Sigurisë

16 Korrik 2016, 20:04, Aktualitet CNA

Prokuroria e Përgjithshme njoftoi sot finalizimin e hetimeve për një rast korrupsioni të gjyqtares së Gjykatës së Lartë, Majlinda Andrea dhe bashkëshortit të saj, Odhise Andrea.

Prokuroria bëri me dije se gjytarja Andrea është pezulluar nga detyra, ndërsa ndaj bashkëshorti të saj, Odhise Andrea, është caktuar masa e sigurisë ?Arrest me burg?, por ky vendim nuk është ekzekutuar për shkak se çifti Andrea është larguar nga Shqipëria.

Prokuroria tha gjithashtu se Odhise Andrea aktualisht mban detyrën e Këshilltarit në Komisionin e Sigurisë Kombëtare në Kuvendin e Shqipërisë.

Burime për citynews konfirmuan se Odhise Andrea është këshilltar i LSI-së në këtë komision. Odhise Andrea nga biznesmen rezulton të jetë emëruar si këshilltar në Komisionin e Sigurisë Kombëtare në Kuvendin e Shqipërisë nga kreu i LSI-së Ilir Meta.

Çifti Andrea akuzohet se ka marrë një shumë prej 50 mijë euro për një çështje pronësie në Butrint./citynews





Lajmet e fundit nga