web counter
LEXO PA REKLAMA!

SHKARKO APP

App Store
Google Play

Rama i përgjigjet Bashës dhe Lu/Jam dakort të takohem në çdo orë, drafti i PD nuk përkrahet nga SHBA

15 Korrik 2016, 15:37, Aktualitet CNA

Kryeministri Edi Rama e ka cilësuar si plotësisht të drejtë deklaratën e Ambasadorit Donald Lu, i cili me një gjuhë të ashpër i ka kërkuar kreut të opozitës dhe Kreut të mazhorancës që të takohen të hënën dhe të gjejnë konsensusin për reformën në drejtësi.

Rama e ka cilësuar situatën absurde, duke shtuar se mazhoranca ka pranuar çdo propozim që pranohet nga ndërkombëtarët, por ende nuk kemi gjetur formulën që qetëson lepurin në barkun e opozitës.

?Jam gati të takohem me Bashën në çdo orë, madje edhe natën?, u shpreh Rama. Ndërkohë ai theksoi se sikundër e tha se Ambasadori i SHBA, propozimet e PD mbi draftin hibrid janë të papranueshme. ?Basha na thotë nga Hollanda se draftin e kemi në tryezë, por këtë draft nuk e pranojnë SHBA, atëherë çfarë vlere ka ai?, tha Rama.

Në vijim ai shtoi se Vetingu ishte një koncept i gjithëpranuar nga Qeveria dhe opozita, duke theksuar se pa ndihmën e ndërkombëtarëve ky proces nuk mund të realizohet.

Kryeministri i bëri këto komente gjatë një takimi me studentë të juridikut. Rama vuri theksin në një reformim të thellë të drejtësisë.

?Ky sistem drejtësie duhet shembur në themel. Duhet shembur kjo arkitekturë duke nisur nga KLD. Si të dalim nga ky sistem i korruptuar? Ky është Vetingu. Vetingu ka dhënë kudo rezultate pozitive,  diku të shkëlqyera dhe dikur mjaft pozitive. Vetingu ka qenë një koncept i gjithëpranuar edhe nga Qeveria edhe nga opozita, madje ne kemi kërkuar një përfshirje të fortë të ndërkombëtareëve në këtë proces”, u shpreh Rama.  /citynews/





Lajmet e fundit nga