web counter
LEXO PA REKLAMA!

SHKARKO APP

App Store
Google Play

Negociatat/ Rama ndryshimet në qeveri pas reformës

15 Korrik 2016, 12:35, Aktualitet CNA

Qeveria pritet të riformatohet pas 21 Korrikut, datë në të cilën Kuvendi do të votojë mbi draftin e reformës në drejtësi.

Burime nga mazhoranca shprehen se pavarësisht nëse do të miratohet apo jo reforma, Kryeministri Edi Rama dhe Kreu i Kuvendit, Ilir Meta janë dakordësuar për ndryshimet në Qeveri.

Por në kabinetin e ri, mund të përfshihet edhe PDIU e drejtuar nga Shpëtim Idrizi, të cilës und t?i jepet një post ministror, referuar numrit të deputetëve që kanë në Kuvend.

Burimet theksojnë se riformatimi i qeverisë mund të realizohet edhe duke ndryshuar dikasteret që janë ndarë në bazë të marrëveshjes së nënshkruar mes palëve në 2013.

Pra, LSI mund të kërkojë që në vend të Ministrisë së Bujqësisë mund të kërkojë Ministrinë e Shëndetësisë, një nga dështimet më të mëdha të Qeverisë Rama.

Kjo ndoshta është arsyeja që në jo pak raste LSI ka sulmuar politikat shëndetësore të ndjekura nga Ilir Beqaj, sikundër ka denoncuar gjendjen në të cilën ndodhet ky sektor.

Por problemi që mund të ketë Rama në këtë drejtim është se LSI i ka ofruar për postin ministror Vangjel Tavon, një nga emrat që bashkë me Ylli Manjanin, kanë qenë të papranueshëm për Kryeministrin Edi Rama në marrëveshjen e 3 viteve më parë, megjithëse kjo pikë e marrëveshjen nuk u respektua nga Meta, i cili propozoi për postin e ministrit të Drejtësisë, Ylli Manjanin.

Gjithsesi me situatën e votave pro që Rama ka në Kuvend, është i detyruar të pranojë çdo kusht nga Ilir Meta, për t?i shpëtuar një mocioni mosbesimi, që mund të çonte në një Qeveri të re pa Ramën Kryeministër.  /citynews/





Lajmet e fundit nga