web counter
LEXO PA REKLAMA!

SHKARKO APP

App Store
Google Play

Propozimi i Ramës/ Reagon Basha: Kryeministri po ikën përgjegjësisë për t’iu fshehur Venecias

15 Korrik 2016, 12:21, Aktualitet CNA

Kryetari i Partisë Demokratike i është përgjigjur propozimit të ri të kryeministrit Rama, i cili tha se do të pranojë cdo draft të opozitës, mjafton të pranohet nga ndërkombëtarët.

Përmes një postimi në rrjetet sociale, Basha theksoi se kryeministri nuk tërhiqet nga bllokimi i reformës, por gjen pretekste për ti ikur përgjegjësisë dhe për t?iu fshehur Venecias. Basha ka shpjeguar gjithashtu se propozimi i PD-së i jep të drejtë ndërkombëtarëve të marrin pjesë në seancat e shqyrtimit të kandidatëve pa asnjë kufizim.

?Hipokrizi e mesdites. Rama nuk terhiqet nga bllokimi por gjen pretekste per ti ikur pergjegjesise dhe per tju fshehur Venecias.

Nese vertete e do reformen ne drejtesi, zgjidhjen e ka gati, e ka ne tryeze. 
Ja cfare roli i jep propozimi i PD nderkombetareve ne proces:
“Vëzhgues nga Operacioni Ndërkombëtar i Monitorimit kanë të drejtë të marrin pjesë në seancat e shqyrtimit të kandidatëve pa asnjë kufizim. Kjo trupë ka të drejtë të ketë akses të plotë dhe të papenguar tek çdo dokumentacion që administron komisioni. Gjithashtu, ONM ka të drejtë të dorëzojë pranë komisionit ad hoc dokumentacion që vërteton kushtet e ndalimit të ushtrimit të funksionit në përputhje me Ligjin e Dekriminalizimit dhe që nuk disponohen nga institucionet shqiptare. Pas përfundimit të shqyrtimit të kandidatëve nga komisioni ad hoc, ONM ka të drejtë t?i dorëzojë Kuvendit një raport të detajuar me vlerësim për secilën kandidaturë, sipas kritereve kushtetuese dhe ligjore dhe dokumentave dhe provave të administruara nga komisioni. Raporti i vihet menjëherë në dispozicion çdo deputeti.”, shkruan Basha

Më tej, ai thekson se kjo zgjidhje është në përputhje me rekomandimin e Venecias që është arbitri i pranuar nga të gjitha palët.
?Kjo zgjidhje e ofruar nga opozita eshte teresisht sipas rekomandimit te Komisionit te Venecias qe eshte arbitri i vetem i kerkuar dhe i pranuar nga te gjitha palet?, përfundon ai





Lajmet e fundit nga