web counter
LEXO PA REKLAMA!

SHKARKO APP

App Store
Google Play

Meta-Rama përplasjet për pazaret e 2013

15 Korrik 2016, 11:57, Aktualitet CNA

Përplasjet mes Kryeministrit Edi Rama dhe Kreut të Kuvendit, Ilir Meta, duket se e kanë burimin tek marrëveshja mes palëve e vitit 2013. Megjithëse marrëveshja në tërësinë e saj është zbatuar, qoftë PS ashtu edhe LSI akuzojnë njëra-tjetrën për shkelje të pikave të veçanta të saj.

Marrëveshja megjithëse ka përcaktuar një ndarje politike të institucioneve që do të drejtojë LSI si forcë e dytë në koalicionin qeveritar dhe kjo është respektuar, por duket se PS ka bllokuar partinë e Metës përmes akordimit të fondeve.

LSI shpreh rezerva që kryeministri Edi Rama apo Ministria e Financave nuk akordojnë në buxhetet e ministrive që drejton partia e drejtuar nga Ilir Meta shumat e kërkuara.

Veçanërisht përplasje ka pasur për Ministrinë e Transporteve, të cilës nuk i janë akorduar shumat e kërkuara nga ministri Haxhinasto.

Pjesë e marrëveshjes ishte edhe ajo që Ilir Meta të merrte postin e Presidentit, por duket se kjo nuk është e pranueshme për ndërkombëtarët, gjë që mund të mbajë pezull këtë pikë të marrëveshjes.

Një nga pikat e marrëveshjes mes Ramës dhe Metës, ishte ajo që Ylli Manjani dhe Vangjel Tavo të mos ishin pjesë e Kabintetit Qeveritar, gjë që LSI nuk e zbatoi pasi me tërheqjen e Nasip Naços, ishte pikërisht Ylli Manjani që u mandatua për postin e ministrit të Drejtësisë.

Ndërkohë përplasje të tjera mes dy forcave politike në qeverisjen e vendit ka pasur përsa i takon punësimeve në administratë, ku qartazi LSI është treguar më agresive, madje në institucionet e drejtuara nga përfaqësues të saj është pothuajse e pamundur të kenë ndikim deputetë apo drejtues të PS-së.

Kjo çështje në jo pak raste ka shkaktuar debate edhe në mbledhjet e grupit parlamentar socialist, ku deputetë të caktuar të PS-së kanë ngritur shqetësimet në këtë drejtim. /citynews/





Lajmet e fundit nga