Nga Edison Ypi/ Doni kurvin

15 Korrik 2016, 10:41, Aktualitet CNA

Sipas një mendësie gjërësisht të rrënjosur anembanë trojeve tona kreshnike, krerët e politikës dhe pushtetit, dhe në përgjithësi barinjtë, si të tashëm, të kaluar, sigurisht dhe të ardhshëm, janë ca djaj që gjithmonë kanë gabuar e gjithmonë do gabojnë. Ndërsa “populli”, ky babaxhan i urtë e i pazararshëm që ha buk, fle gjumë, e punon nga pak, jo vetëm kurrë nuk gabon dhe gjithmonë ka të drejtë, por gjithmonë është viktimë e pafajshme, gjithmonë i bëjnë hile të tmerrëshme, gjithmonë i bien kot më qafë me një mijë e një mënyra e intriga të pabesa e të liga.

Le të ngushëllohen mosbesuesit progresistë të konstatimit të mësipërm. Ka edhe konservativë hajvanë për të cilët sa më lart nuk është e vërtetë.
Që populli apo sovrani nuk gabon, është klishe e stërnjohur kudo në botë. Ndryshimi është se, ndërkohë që ndër ne kjo mendësi është tabu’, kudo ku kanunet pluraliste zbatohen sadopak, kjo mendësi, nuk është tabu’, preket, shqyrtohet, analizohet. Madje partitë politike, rrymat filozofike, teoritë sociale, dallojnë nga njëratjetra pikërisht nga fakti se në ç’masë e prekin këtë tabu’.
Aprovimi i Reformës në Drejtësi ka mbetur peng i kësaj mendësie primitive, mediokre, parapolitike, të turpshme, kontraproduktive.
Aprovimin e Reformës në Drejtësi nuk e pengon dot politika dhe ligjbërja. Jo sepse janë engjuj të pafajshëm e të tjera dokrra, por sepse në kushtet e lojës pluraliste, janë të kushtëzuar nga fryma apo vullneti i gjithë të tjerëve, shumica dërrmuese e shqiptarëve, që janë mizëria e të korruptuarve, hajdutët, shkelësit e kudondodhur të Ligjit, shejtanbudallenjtë besues naivë të rrenave të gjithfarë fantazive të çmendura korruptive që i qarkullojnë veshmëvesh për të qënë në një farë mënyre të qetë në ndërgjegje për vjedhjet që vet i bëjnë çdo ditë.
Brenda këtij babeli moskuptues dhe keqkuptues, ata që merren me formalizimin e Reformës, të kushtëzuar nga mendësia monstruoze e elektoratit nuk mund të kenë rëndësi vendimtare.
E trishtë ta pohosh, por e vërteta është se, në thelb, pengues të Reformës janë bartësit e panumurt të mendësisë së sipërpërmendur të popullit që nuk gabon.
Populli gabon.
Krerë, barinj të mirë, janë ata që, në dobi të popullit, popullin e bëjnë zap, popullin e bëjnë të gabojë sa më pak.
Mendësia shqiptareske populiste, ka rrënjë të thella, kryesisht kurviste. Përcjellësit e saj janë qindramijra adhuruesit nekrofilikë të kurvit që ka 30 vjet që ka ngordhur.
Mbase duhet mirkuptuar dashuria për kërrmën e kurvit e një populli energjik, dinamik, fantazioz, imagjinativ, sepse, siç dihet;
S’ka respekt më të madh se respekti që rrjedh nga frika.
S’ka frymëzim më të fuqishëm se frymëzimi që vjen nga varri.
S’ka dashuri më të madhe se dashuria për përdhunuesin.
Mall të madh kanë këta njerëz për kurvin. I vetmi problem që kanë, i vetmi hall që i mundon, i vetmi kancer që i gërryen, i vetmi verem që i zgjebos, është dashuria për coftinën, kurvin.
Vazhdoni ta doni kurvin. Jo litarin që ka lënë sipër varrit. Litarin nuk e la për ju që e deshët dhe e doni, e la për ne që kurvin e refuzuam.
Vazhdoni ta adhuroni kurvin. kurvi pritshmëritë virtuale-delirante-halucinante i plotëson, ankesat i hesht, plagët i shëron, nevojave u bën derman. Po deshët kurv, kurv do keni. Po pritët kurv, kurv do j’u vijë. Po ëndërruat kurv, sa të hapni sytë kurv do shikoni.
Kërkoni nga shteti punë ku të bëni sikur punoni. Këtë e bën vetëm kurvi. Prandaj kurvit mos j’u ndani.
Ju kërkoni shërbim shëndetësor falas që nuk shëron asnjë sëmundje. kurvi këtë e arrin, prandaj kurvin mos e harroni.
Doni në xhami dhe në kishë të shkoni me përtesë, ose të mos shkoni fare. kurvi i rrafshoi krejt, prandaj kurvit i faljuni.
Doni të spiunoni dhe ta vrisni njëritjetrin. Për spiunllëqe dhe vrasje kurvi ishte gjenial, ngrijeni kurvin nga varri t’ju mësojë si bëhen.
kurvi rrethoi Shqipërinë me tela. Ju nga dashuria për kurvin, rrethimin nga Gollobërda, Lini, Bilishti, Gramozi, e keni afruar te shtëpia që e rrethoni me mure të larta, e mbyllni me brava të sofistikuara, e ruani me kamera vëzhgimi.
Ndonjë klysh kurvi mund të thotë se gjithë kjo dashuri e shqiptarëve për kurvin nuk është e vërtetë.
Atij klyshi kurvi i kujtoj statistikën që nuk gabon. Të rinjtë, ose nuk kanë asnjë ide cilët kanë qënë heronjtë e vërtetë të Shqipërisë moderne, Diversantat që i sillte NATO, ose e dinë se kanë qënë kriminelë të armatosur tradhëtarë të shitur te imperializmi amerikan. Ama dinë fijepërpe çbëri e çnuk bëri kurvi, kujt ja futi e kujt ja qiti Mehmeti, cilit ja hodhi e kujt ja përdrodhi Kadriu.
Ju nuk doni veten e gjallë. Ju doni kurvin e ngordhur. Sepse vetëm nostalgjia për kurvin, vetëm adhurimi nekrofilik për kurvin, e kthen Shqipërinë në shkretëtirë, vetëm lugati kurvit j’u skllavëron si j’u pëlqen; pa elitë të shkolluar serioze autoritare të ndershme, pa Drejtësi, pa reforma, pa kulturë, pa Art, pa histori, pa gjë prej gjëje.