web counter
LEXO PA REKLAMA!

SHKARKO APP

App Store
Google Play

Negociatat/ Meta kërkon kokat e Tahirit dhe Haxhinastos

15 Korrik 2016, 12:53, Aktualitet CNA

Sajmir Tahiri dhe Edmond Haxhinasto, përkatësisht ministër i Brendshëm dhe ai i Transporteve, janë kushtet që Ilir Meta i ka vendosur Edi Ramës për ti larguar nga kabineti qeveritar.

Citynews ka njoftuar më parë mbi kushtet e Ilir Metës në këtë drejtim, të cilat duket se mbeten të pandryshueshme, sidomos në situatën aktuale, kur për shkak të përplasjeve në Grupin Parlamentar socialist, Edi Rama maksimalisht 55 deputetë në krahun e tij. Kjo do të thotë se pa votat e LSI-së ai nuk mund të mbajë në këmbë qeverinë, por as mund të provokojë zgjedhje të parakohshme.

Referuar kësaj, Rama është i detyruar të pranojë kushtet e Ilir Metës, për largimin e Tahirit nga posti i ministrit të Brendshëm dhe Haxhinastos nga posti i ministrit të Transporteve.

Në rastin e Tahirit, LSI ka pasur një strategji të qartë duke sulmuar herë pas here ministrin e Brendshëm, ndërsa ky i fundit duket se është kundërpërgjigjur me arrestimin e disa prej zyrtarëve dhe funksionarëve të LSI-së në nivele të ndryshme, duke krijuar përshtypjen që çdo paligjshmëri në administratë kryhet vetëm nga forca politike që drejton Meta.

Ndërsa në rastin e Haxhinastos burimet theksojnë se kërkesa për largimin e tij nga detyra është në tryezën e Ramës prej më shumë se 1 viti për shkak të përplasjeve të brendshme në rradhët e LSI.

Deri më tani të dy ministrat janë mbrojtur nga Rama, por duket se në situatën aktuale ai nuk ka më numrat në Kuvend për të vazhduar mbrojtjen, çka do të thotë se pritet që qoftë Tahiri, qoftë Haxhinasto të largohen nga detyra. /citynews/





Lajmet e fundit nga