web counter
LEXO PA REKLAMA!

SHKARKO APP

App Store
Google Play

Zheji mbron Bashën/ Diversion me urdhër të Metës

15 Korrik 2016, 15:09, Aktualitet CNA

Analisti Artur Zheji ka marrë në mbrojtje kreun e PD-së Lulzim Basha, duke bërë diversione në lidhje me zhvillimet politike në partinë më të madhe të opozitës.

Përmes një lajmi në formë komenti në portalin e tij, ndërsa i referohet debateve në grupin parlamentar në lidhje me reformën në drejtësi, ai mundohet të bëjë një ndarje në qëndrimet e deputetëve pro dhe kundër Bashës, ndërsa për ligjvënësit demokratë që kanë qëndrim të ndryshëm nga ai kreut demokrat bën diversione, duke aluduar se këto deputetë flasin sikundër të jenë ministra.

Mbledhja e Grupit Parlamentar demokrat e zhvilluar tre ditë më parë është shoqëruar me debate normale mbi procesin e reformës, ku deputetët kanë kërkuar sqarime mbi qëndrimin e ri të opozitës, pas propozimit të bërë nga SHBA mbi një draft hibrid.

Portali në jo pak raste ka sulmuar kreun demokrat Lulzim Basha, por duket se këtë rradhë duhet ta marrë në mbrojtje, pikërisht sepse pas refuzimit të reformës në drejtësi, mund të jetë edhe Kryetari i Kuvendit. Por ai thjesht nuk shfaqet në mënyrë direkte, ndërsa lojën me ndërkombëtarët herë pro dhe herë kundër po e bën PD, e cila po merr edhe kostot.

Portali në fjalë mban një qëndrim të qartë pro Ilir Metës, për të cilin deputetë të PD mendojnë se po fshihet pas PD-së në lidhje me reformën në drejtësi.

Portali me një staf të gjerë dhe me kosto që arrijnë deri në disa milionë nuk dihet se nga financohet zyrtarisht, megjithëse mund të mos jetë e vështirë për tu kuptuar. /citynews/





Lajmet e fundit nga