web counter
LEXO PA REKLAMA!

SHKARKO APP

App Store
Google Play

Skandal/Nuk lejohet ulja në Rinas e avionit ku udhëtonte Rita Ora

9 Korrik 2016, 15:24, Aktualitet CNA

Ish-Kryeministri Sali Berisha ka denoncuar refuzimin që i është bërë nga aeroporti i Rinasit avionit të Rita Orës, këngëtares me famë botërore, për t’u ulur në të vetmin aeroport ndërkombëtar në Shqipëri. Berisha e konsideron këtë një skandal, ndërsa e cilëson Rinasin një shpartallinë.

“Një skandal i ri!

Një akt tjetër i turpshëm, aeroporti i Rinasit, një shpartallinë, nuk pranon uljen e avionit të Rita Orës!

Në këtë vend, të cilin qeveria e ka shndërruar në një protektorat krimi, ndodh si në asnjë vend tjetër në Botë që të mos pranohet ulja e avionit të Rita Orës, këngëtares së famshme dhe ambasadores brillante të kombit shqiptar në mbarë botën, në një kohë me kushte meterologjike ideale, trafik ajror zero.

Kjo dëshmon se ky aeroport, që vetëm një javë më parë u pushtua për kohë të tërë nga terroristë të eurove është një shpartallinë e vërtetë.

Refuzimi i uljes së avionit të Rita Orës, këngetares shqiptare me famë botërore, që do të vinte të bashkohej me Chris Brawn në një koncert në Durrës është një dëshmi e shëmtuar e mosfunksionimit të shtetit, institucioneve të tij përgjegjëse për fluturimet në aeroportin e vetëm civil të vendit!”, shkruan Berisha në Facebook.





Lajmet e fundit nga