web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e Presidentit nga populli/Nisma Blushi, në sirtarët e Kuvendit

9 Korrik 2016, 14:42, Aktualitet CNA

Nisma për ndryshimet Kushtetuese në lidhje me zgjedhjen e Presidentit nga populli, propouar nga deputetët Ben Blushi dhe Mimoza Hafizi, duket se do të mbetet në sirtarët e Parlamentit.

Kjo për shkak se deri më tani vetëm 10 ligjvënës kanë dhënë mbështetjen e tyre për një ndryshim të tillë të Kushtetutës, por firmat e tyre nuk mjaftojnë, pasi duhen edhe të paktën 18 të tilla.

Megjithëse pro zgjedhjes së Presidentit nga populli kanë shprehur mbështetjen e tyre përmes një peticioni online mbi 10 mijë qytetarë, sërisht që nisma të hyjë zyrtarisht në procedurat parlamentare, duhet që të sigurohen firmat edhe të 18 deputetëve të tjerë.

Apelit të bërë nga deputetja Mimoza Hafizi pak ditë më parë në drejtim të PS, PD dhe LSI për t?u shprehur publikisht nëse janë apo jo për zgjedhjen e Presidentit nga populli, të tre partitë kryesore në spektrin politik shqiptar nuk i janë përgjigjur, ose më saktë e kanë anashkaluar si çështje.

Vëmendja e 3 forcave politike është përqëndruar tek reforma në drejtësi, por edhe negociatat politike që po zhvillohen mes aktorëve dhe faktorëve të ndryshëm, që mund të çojnë në një konfigurim të ri të mazhorancës dhe opozitës.

Nuk dihet nëse kjo nismë do të trajtohet në sesionin parlamentar të vjeshtës apo jo, apo thjesht do të mbetet në arkivën e Kuvendit të Shqipërisë vetëm me firmat e 10 ligjvënësve të kësaj legjislature./citynews/





Lajmet e fundit nga